Seema Par Tanaav Badha, Pak Ne Aapasi Vyaapaar Aur Bas Seva Roki

Breaking »

Seema Par Tanaav Badha, Pak Ne Aapasi Vyaapaar Aur Bas Seva Roki

Nai Delhi: Do bhaarateeya javaanon ki berahmi se hatya aur fir khud hi seema band karke Pakistan ne niyantran rekha par tanaav bada rakha hai. Pakistan ne niyantran rekha par Bhaarat ki or se kathit firing ke maamale mein Islamabad mein bhaarateeya uchchaayukt ko talab kiya hai. Pakistan ka kehna hai ki is firing mein uske ek javaan ki maut hui hai. Yahi naheen, Pakistan ne seema ke aar-paar vyaapaar par rok laga di hai, saath hi, punchh se Rawalkot jaane waali bas seva ko bhi rok diya hai. Yah bas hafte mein ek din chalti hai. Idhar, rakshaamantri AK Antony ne kaha hai ki Kashmir mein niyantran rekha par yuddhaviraam ka ullanghan badi chinta ka vishay hai. Unhonne kaha ki ham apne aur sena ke hiton ki raksha karne ke liye har kadam uthaaenge. Gaurtalab hai ki Jammu-Kashmir ke punchh sector mein Pakistan ki or se goleebaari guruvaar ko bhi jaari rahi. Pakistani sena ne shaam ke saade chaar baje punchh ke battal mein goleebaari ki, jiske baad bhaarateeya sena ne bhi iska karaara javaab diya. Bhaarateeya sena ke mutaabik shaam ke chhah baje firing mein kami I. Ye firing usi ilaake mein hui, jahaan 13 rajputana rifles tainaat hai. Isi battalion ke do javaan laansanaayak sudhaakar Singh aur laansanaayak Hemraj ko maarane ke baad Pakistan sainikon ne unke shav ke saath barbar vyavahaar kiya tha, jise lekar donon deshon ke beech tanaav hai. Iske saath hi Pakistan ne donon deshon ke beech vyaapaar ke liye nikle 25 bhaarateeya truckon ko apne kabje vaale Kashmir mein naheen jaane diya. Seema par tainaat bhaarateeya adhikaariyon ne is baare mein Pakistani adhikaariyon se baar-baar baat ki, lekin vah sunane ko taiyaar naheen, haalaanki sootron ne NDTV ko bataaya ki guruvaar ko 50 bhaarateeya truckon ne uri se paar kiya, lekin unhein koi dikkat naheen hui. Saath hi Pakistan se bhi 37 truck Bhaarat aae. Udhar, meindhar sector mein yuddhaviraam ullanghan aur do bhaarateeya javaanon ke saath hue barbar vyavahaar ko lekar Bhaarat aur Pakistan ke beech bayaanbaaji ka daur jaari hai. Pakistan yah maanane ko taiyaar naheen hai ki uske javaanon ne seema paar karke bhaarateeya faujiyon ke saath aisa salook kiya. Is beech yah baat bhi ab saamane aa rahi hai ki ghatnaasthal ke qareeb Pakistan ke kabje vaale Kashmir mein kuchh hi asar pehle lashkar-A-taiyaba ka pramukh haafij Saeed bhi aaya tha.

Seema Par Tanaav Badha, Pak Ne Aapasi Vyaapaar Aur Bas Seva Roki http://www.angrejinews.com/pic/300