Scooters India Ke Liye 200 Karod Ru Ke Package Par Vichaar Karegi Sarkaar

Business »

Scooters India Ke Liye 200 Karod Ru Ke Package Par Vichaar Karegi Sarkaar

Nai Delhi: Sarkaar aagaami bruhaspativaar ko sankatagrast saarvajanik company scooters India ke liye 200 karod rupaye ke punaruddhaar package par vichaar kar sakti hai. Sootron ne kaha ki sarkaar dvaara scooters India mein apni poorn hissedaari bechne ki yojana taalane ke baad bhaari udyog vibhaag ne company ke punaruddhaar ke liye 200 karod rupaye se adhik ka package dene ka prastaav kiya tha. Unhonne kaha, ''Mantrimandal bruhaspativaar ko scooters India ke punaruddhaar ke liye prastaav par charcha kar sakta hai. '' vaahan company scooters India mein kareeb 1,200 niyamit karmachaari hain aur yah company 2002-03 se hi ghaate mein chal rahi hai. March, 2009 mein company ko sankatagrast ghoshit kiya gaya tha. Varsh 1972 mein sthaapit scooters India ghareloo baajaar mein liye vijay super brand naam se scooter ka vinirmaan karti rahi hai, jabki videshi baajaaron ke liye vah lambretta brand naam se scooter banaati rahi hai.

Scooters India Ke Liye 200 Karod Ru Ke Package Par Vichaar Karegi Sarkaar http://www.angrejinews.com/pic/52