Sautele Bhaai Ke Bhaajapa Se Judne Ke Faisale Se Dukhi Hai Pradhaanamantri

Breaking »

Sautele Bhaai Ke Bhaajapa Se Judne Ke Faisale Se Dukhi Hai Pradhaanamantri

File photo File photo Nai Delhi: pradhaanamantri Manmohan Singh ne aaj kaha ki vah apne sautele bhaai dalajeet Singh Kohli ke bhaajapa se judne ke faisale se dukhi hain. padm sammaan samaaroh se itar savaalon ka javaab dete hue Singh ne kaha, 'Main bahut dukhi hoon. Mera vash naheen hai. Ve sabhi vayask hain. ' Kohli kal amrutasar mein ek janasabha mein bhaajapa ke pradhaanamantri pad ke ummeedavaar Narendra Modi ki maujoodagi mein party mein shaamil ho gaye the. amrutasar mein Kohli ne is baat se inkaar kiya ki pradhaanamantri ka rishtedaar hone ka unhonne koi faayda uthaaya. Unhonne kaha, 'Mere bhaai 10 saal se pradhaanamantri hain. Mujhe yeh bataaie ki kya aapne dekha ki mainne amrutasar mein koi sauda kiya. Modi, prakaash Singh baadal, arun jetali ke saath nishchit taur par mainne ek sauda kiya aur yeh sauda amrutasar ke vikaas ka raha hai. ' sthaaneeya kaarobaari Kohli ka bhaajapa mein pravesh pradhaanamantri Singh ke us bayaan ke theek ek din baad hua jismein unhonne desh mein 'Modi lahar' ki dhaarana se inkaar kiya tha. Pradhaanamantri Manmohan Singh ne aaj jor dekar kaha ki Congress kendra mein ek baar fir se sarkaar bana sakti hai. Pradhaanamantri ne kaha samprag-teen asambhav naheen hai. Kohli ka bhaajapa mein svaagat karte hue Modi ne kaha tha ki vah party ko majaboot banaaenge. pradhaanamantri ke bhateeje manabeer Singh ne kaha ki dalajeet Singh ke bhaajapa mein shaamil hone se poora parivaar sakte mein hai. Baharahaal, unhonne kaha ki dalajeet aur bhaajapa ke beech kisi saudebaaji ke baare mein unhein koi jaankaari naheen hai. Manabeer ne kaha, 'Ham sabhi Doctor saahab (pradhaanamantri) ke saath hain aur unka tatha unki neetiyon ka samarthan karte hain. Amrutasar mein ham amarindar Singh ka samarthan karte hain. ' pradhaanamantri Singh ki chhah bahanein hain aur Kohli unke sautele bhaai hain. Pradhaanamantri ki maata ka bahut kam umr mein hi nidhan ho gaya tha. keindreeya mantri Kapil sibbal ne kaha ki jab atal bihaari Vajpayee ki bhateeji Congress mein shaamil ho sakti hain, to kisi aur ka bhaai kisi doosari party mein shaamil kyon naheen ho sakta. vaheen BJP neta mukhtaar Abbas nakavi ne kaha ki dalajeet Singh ke bhaajapa mein shaamil hone se pata chalta hai ki Congress se logon ki niraasha badh rahi hai. Nakavi ne kaha ki samaaj ke sabhi tabakon ke log bhaajapa ki or badhe hain kyonki ve Congress se kai morche par tang aa chuke hain.

Sautele Bhaai Ke Bhaajapa Se Judne Ke Faisale Se Dukhi Hai Pradhaanamantri http://www.angrejinews.com/pic/48710