Saurashtra Ko Haraakar Mumbai Ne 40veen Baar Jeeti Ranji Trophy

Cricket »

Saurashtra Ko Haraakar Mumbai Ne 40veen Baar Jeeti Ranji Trophy

Mumbai: Mumbai ne apne gadh Wankhede stadium mein khele gaye final mukaabale mein somvaar ko teesare din hi Saurashtra ko ek paari aur 125 ranon se haraakar 40veen baar Ranji trophy cricket pratiyogita ka sirmaur banane ka gaurav haasil kiya. Mumbai ki team 44veen baar final khel rahi thi. Final mein pahunchane ke baad vah sirf chaar baar Karnataka, Haryana, holkar aur Delhi se haari hai. Doosari or, Saurashtra ne 75 saal baad final mein sthaan banaaya tha, lekin vah is mauke ko bhuna naheen saki. Saurashtra ki pehli paari 148 ranon par sametane ke baad mumbai ne apni pehli paari mein 355 run banaae. Javaab mein khelne utari Saurashtra ki team doosari paari mein 82 run hi bana saki. Mumbai ki or se dhaval Kulkarni ne paanch wicket liye jabki kaptaan ajeet Agarkar ko chaar safalta mili. Kulkarni ne pehli paari mein bhi chaar wicket liye the. Shaurya shaandilya (16) aur dhameindr Singh jadeja (22) ko chhodkar Saurashtra ka koi bhi ballebaaj dahaai tak naheen pahunch saka. Shitaanshu kotak (0), saagar jogiyaani (0), Rahul dave (5), arpit vaasaavaada (0), kaptaan jayadev shaah (6), Sheldon Jackson (9), Kamlesh makavaana (7 aur jayadev unaadakat (9) run bana sake. Isse pehle, mumbai ne apni pehli paari mein 355 run banaae. Mejabaan team ne doosare din ki samaapti tak chhah wicket par 287 run banaae the. Mumbai ki or se vaseem jaafar ne 132 ranon ka yogadaan diya jabki Hiten shaah ne 55 run banaae. Saurashtra ki or se makavaana ne teen wicket liye. Is match mein apne career ka 32vaan shatak lagaane vaale jaafar ko main of the match chuna gaya. Jaafar ke naam Ranji maichon mein sabse adhik shatak lagaane aur sabse adhik run banaane ka record hai. Jaafar ki kaptaani mein mumbai ne do baar khitaab jeeta hai, jabki unke team mein rahate is team ko aath baar khitaabi safalta mili hai.

Saurashtra Ko Haraakar Mumbai Ne 40veen Baar Jeeti Ranji Trophy http://www.angrejinews.com/pic/376