Satta Mein Aae To Andhra Pradesh Ko Vishesh Raajya Ka Darja Deinge Rahul Gandhi

Breaking »

Satta Mein Aae To Andhra Pradesh Ko Vishesh Raajya Ka Darja Deinge Rahul Gandhi

Dubai Congress adhyaksh Rahul Gandhi ne shukravaar ko kaha ki agar unki party aagaami aam chunaavon mein satta mein aati hai to Andhra pradesh ko vishesh raajya ka darja degi. Sanyukt arab ameeraat ki do divseeya yaatra par aae Gandhi ne dubai mein lebar colony mein ekatrit bhaarateeya kaamagaaron ko sambodhit kiya. Gandhi ne kaha, 'Jaise hi hamaari sarkaar satta mein aaegi ham Andhra pradesh ko vishesh raajya ka darja deinge. ' Andhra pradesh aur telangaana ko do June 2014 ko vibhaajan kar do alag raajya bana diye gaye the. Unhonne kaha, 'Aapne Bhaarat, bhaarateeya raajyon aur gareeb logon ki madad ki tatha aapne dubai shahar banaane ke liye kaam kiya jo poore vishv mein mahaan hai. Main aapko tahe dil se shukriya kehna chaahata hoon. ' Sanyukt arab ameeraat ke vikaas ki prashansa karte hue Gandhi ne kaha ki aap yahaan jo bhi bada vikaas dekhte ho, oonchi imaaratein, bade havaaiadde aur metro, ye sab aapke yogadaan ke bina naheen bante. Unhonne kaha, 'Aapne is shahar ke vikaas ke liye apna khoon-paseena aur samay diya aur aapne sabhi bhaarateeyon ko gauravaanvit kiya. ' Gandhi ne Andhra pradesh ko vishesh darja diye jaane ki maang ko lekar pichhle saal March mein jantar-mantar par pradarshan karne vaale party kaaryakartaaon ke samooh ko diye bayaan ko doharaaya. Rahul ne pichhle saal kaaryakartaaon se kaha tha, 'Ham Andhra pradesh ko vishesh raajya ka darja deinge. 2019 mein satta mein aane ke baad yeh pehli cheej hogi jo ham kareinge. ' unhonne kaha, 'Mujhe vishvaas hai ki agar ham ek saath khade honge to ham Bhaarat sarkaar aur pradhaanamantri Narendra Modi ko is baat ke liye raaji kar leinge ki jo Andhra pradesh ke logon ka bakaaya hai vo unhein diya jaana chaahiye. ' aam chunaav is saal April aur May ke beech hone hain.

Satta Mein Aae To Andhra Pradesh Ko Vishesh Raajya Ka Darja Deinge Rahul Gandhi http://www.angrejinews.com/pic/247161