Sashastr Badmaashon Ne California Gurudvaare Mein Ki Lootpaat

Breaking »

Sashastr Badmaashon Ne California Gurudvaare Mein Ki Lootpaat

California: California mein sashastr badmaashon ne ek gurudvaare mein ghuskar vahaan daanpaatr mein rakhi nakadi looti aur faraar ho gaye. California mein sthaaneeya Livington police ne bataaya ki teen sashastr dakait ravivaar ki subah aage ke darvaaje se gurudvaare mein ghuse. Inmein se ek ke paas bandook, doosare ke paas chaakoo tha. Teesara dakait nihattha tha. Teesare nihatthe badmaash ne ek daanpaatr se kuchh hajaar dollar liye aur baraabar ke darvaaje se faraar ho gaya. Uske baaki donon saathi gurudvaare ke baahar usaka intajaar kar rahe the. Sthaaneeya samaachaarapatr marsed sunstar ne police ke havaale se yah jaankaari di. North American punjabi association ke adhyaksh Satnam Singh chahal ne bhi bataaya ki teen log daanpaatr se raashi churaakar baraabar ke darvaaje se nikal gaye. Police pramukh rooben shaavej ne kaha hai ki teenon dakaiton ne hud waali jacket ya sweater pahane the aur unhonne apni pehchaan chhupa rakhi thi. Police in teenon agyaat logon ki talaash kar rahi hai. Shaavej ne bataaya ki pehle bhi daanpaatr se paisa churaaya gaya hai, lekin gurudvaare mein dakaiti ki yah pehli ghatna hai. Unhonne kaha, yah adhik bhayankar hai, kyonki ve hathiyaaron ke saath aae the. Nishchit roop se yah kisi aise vyakti ka kaam hai, jo mandir ke baare mein jaanta tha, kyonki unhein yah pata tha ki kahaan jaana hai.

Sashastr Badmaashon Ne California Gurudvaare Mein Ki Lootpaat http://www.angrejinews.com/pic/558