Sarkaari Committee DBT Ke Liye Subsidy Badhaane Ke Hak Mein

Business »

Sarkaari Committee DBT Ke Liye Subsidy Badhaane Ke Hak Mein

[ saikat das | Mumbai ] cooking gas subsidy ko kastamars ke bank ekaaunts mein seedhe traansafar karne ki skeem mein badlaav karne ke liye banaai gayi committee ne un badi samasyaaon ki pehchaan ki hai jo is skeem mein rukaavat ban rahi hain. Committee apni report jaldi daakhil kar degi. Is skeem ko abhi rok diya gaya hai. Is maamale ki jaankaari rakhane vaale logon ne bataaya ki committee ka ek pramukh sujhaav aadhaar-linkd bank ekaaunts kholne ke samay kastamars ko advance ke taur par di jaane waali subsidy mein 10 feesadi ki badhotri karna ho sakta hai. Ummeed ki ja rahi hai ki chunaav ke baat satta sambhaalne waali nai sarkaar is skeem ko dobaara shuroo karegi, kyonki iske liye kaafi koshishein ki gayi hain. Skeem se cooking gas par subsidy paane ke liye ayogya logon ko subsidy band kar sarkaar ko karodon rupaye ki bachat hone ke lihaaj se mahatvapoorn bataaya gaya tha. Is prauses se jude ek senior adhikaari ne kaha ki is program ke liye ek bada deta base banaaya aur prauses kiya gaya hai. Sarkaar ke ise kainsal karne ki aashanka naheen hai. Sarkaar ne daayarekt subsidy traansafar program ki shuruaat lagbhag 300 jilon mein ki thi. In jilon mein kanjyoomars ko market rate par khareedi jaane waali LPG ke liye unke aadhaar-linkd bank ekaaunts mein subsidy ki rakam mil rahi thi. Is skeem mein subsidy der se milne ki shikaayatein aa rahi theen. Iske saath hi kai kastamars ke paas aadhaar number ya aadhaar-linkd bank ekaaunts naheen the, jiski vajah se unhein iska faayda naheen mil raha tha. Sarkaar chunaav paas aane ki vajah se ise ek mudda naheen banane dena chaahati thi aur isi vajah se is skeem ko January mein rok diya gaya tha. Sarkaar ne ise review karne aur ismein badlaav ko lekar sujhaav dene ke liye January mein Indian Institute of technology, Kanpur ke poorv director S ji dhaande ki adhyakshata mein ek committee banaai thi. Committee apni report nai sarkaar ke satta sambhaalne se pehle dena chaahati hai. Yeh 'Paramaanet advance' rakam mein 5-10 feesadi ki badhotri karne ki sifaarish kar sakti hai. Advance yeh sunishchit karne ke liye diya jaata hai ki kanjyoomar ke paas cylinder aane par uske market price ko chukaane ke liye paisa ho. Adhikaari ne bataaya ki paramaaneint advance ki vajah se sarkaar ke 400 karod rupaye pehle hi system mein fanse hue hain. Committee LPG kanjyoomars se feedabaik lene ke liye shaharon aur kasbon ka daura kar rahi hai. Pichhle kuchh saptaah mein yeh Hyderabad, Mysore aur bangaluru gayi hai. Aane vaale dinon mein iske Shimla aur Chandigarh jaisi jagahon par jaane ki yojana hai. Bankon ne pehle hi LPG subsidy ke liye daayarekt traansafar ke liye infrastructure bana liya hai.

Sarkaari Committee DBT Ke Liye Subsidy Badhaane Ke Hak Mein http://www.angrejinews.com/pic/49583