Sarkaari Bangala Shivpaal Ki Mulaayam Aur Akhilesh Se Bhaavuk Appeal, 'Mere Ghar Par Aakar Rahein

Breaking »

Sarkaari Bangala Shivpaal Ki Mulaayam Aur Akhilesh Se Bhaavuk Appeal, 'Mere Ghar Par Aakar Rahein

Lucknow Samaajavaadi party vidhaayak shivpaal Yadav ne apne bade bhaai aur party sansthaapak mulaayam Singh Yadav se sarkaari ghar khaali karne ki dasha mein apne ghar mein rahane ki appeal ki hai. Is sambandh mein shivpaal Yadav ne Budhvaar ko mulaayam Singh se mulaakaat bhi ki. SP neta CP rai ne bataaya ki shivpaal ne kaha hai ki netaaji (mulaayam) aur vah pehle bhi ek hi ghar mein rahate the. Shivpaal Yadav ne yeh bhi kaha ki Akhilesh bhi agar chaacha maanate hain, to vah bhi unke ghar mein rah sakte hain. Bata dein ki uttar pradesh ke poorv mukhyamantri Akhilesh Yadav ke anurodh par abhi raajya sampatti vibhaag vichaar kar hi raha tha ki ab unke pita aur poorv mukhyamantri mulaayam Singh Yadav ne bhi apna bangala khaali karne ke liye do varsh ka samay maanga hai. Is baare mein unhonne apne pratinidhi ke maadhyam se ek patra Budhvaar ko raajya sampatti vibhaag ko bhijva diya hai. Raajya sampatti vibhaag ke sootron ke mutaabik mulaayam Singh Yadav ne Budhvaar ko apne niji sachiv ke maadhyam se ek patra raajya sampatti adhikaari yogesh Kumar shukla ko bhijvaaya tha. Shukla ne unka patra praapt kar liya hai. Is par aage ka faisala nyaaya vibhaag se vichaar vimarsh ke baad hi liya jaaega. Supreme court ke aadesh ke baad raajya sampatti vibhaag uttar pradesh ke 6 poorv mukhyamantriyon se sarkaari bangala khaali karavaane ki kavaayad mein juta hua hai. Vibhaag ki taraf se sabko 15 din ke bheetar bangala khaali karne ka notice bhi bheja gaya hai. Raajya sampatti vibhaag ke adhikaari yogesh Kumar shukla ne bataaya ki poorv mukhyamantri Akhilesh ke anurodh ke baad nyaaya vibhaag se is sambandh mein vichaar vimarsh chal raha hai. Nyaaya vibhaag ka faisala aane ke baad hi kuchh kaha ja sakega.

Sarkaari Bangala Shivpaal Ki Mulaayam Aur Akhilesh Se Bhaavuk Appeal, 'Mere Ghar Par Aakar Rahein http://www.angrejinews.com/pic/206459