Sarkaar Apne Niyantran Mein Le PDS Dukaanein Vadhava Samiti Ki Sifaarish

Business »

Sarkaar Apne Niyantran Mein Le PDS Dukaanein  Vadhava Samiti Ki Sifaarish

Nai Delhi: Uchchatam nyaayaalaya ke sevaanivrutt nyaayaadheesh DP vadhava ki adhyakshata waali samiti ne saarvajanik vitran pranaali mein vyaapt bhrashtaachaar par ankush paane ke liye uchit dar ki dukaanon ka niyantran sarkaar ko apne haath lene ki sifaarish ki hai. Samiti ne gareebi rekha se oopar jeevan yaapan karne vaalon ke liye saarvajanik vitran pranaali ke tahat subsidy par khaadya saamagri dene ki vyavastha khatm karne ki bhi sifaarish ki hai. Uchchatam nyaayaalaya ko saunpi gayi apni antim report mein nyaayamoorti vadhava samiti ne uchit dar dukaanon ke maalikon, transporter, naukarashaah aur netaaon mein saanth-gaanth ka jikr karte hue kaha hai ki usaki sifaarishon ko laagoo karke hi is par ankush lagaaya ja sakega. Samiti ne kaha hai ki uchit dar dukaan hi bhrashtaachaar ka kendra bindu hai jahaan janta ko thagane ke liye iske maalik, transporter, naukarashaah aur netaaon mein saanth-gaanth hai. Samiti ke anusaar saarvajanik vitran pranaali ke khaadyaann ki kaala baajaari ke kaaran asal log iske laabh se vanchit ho jaate hain. Aisi sthiti mein behtar hoga ki bhrasht uchit dar dukaanon ka sanchaalan sarkaar apne haath mein le le. Iske liye aavashyak hai ki raajyon mein naagrik aapoorti nigam ka gathan ho jo uchit dar dukaanon par saarvajanik vitran pranaali ke tahat svatantr roop se uchit dar dukaan ke star par khaadyaann vitran ka kaam kare. Vadhava samiti ne apni sifaarishon mein kaha hai ki uchit dar ki dukaanein niji vyaktiyon dvaara sanchaalit karne ki bajaay behtar hoga yadi raajya star par nigam, panchaayati raaj sansthaaen, sahakaari samitiyaan aur mahilaaon ke sv-sanchaalit samooh inka sanchaalan karein. Samiti ne kaha hai, ''Kaurporeshan ke sanchaalan mein hone vaale kisi bhi nuksaan ki bharpaai ke liye sarkaar ke bajat mein praavadhaan hona chaahiye. Jahaan par uchit dar dukaanon ke liye dukaan aur godaam naheen hain vahaan sarkaar aur nigam ko madar dairy ya ATM ya daakaghar ki tarj par inka nirmaan karna chaahiye. Is tarah ke nigam ki kamaan bhaarateeya prashaasanik seva ke adhikaari ko di jaani chaahiye. '' Vadhava samiti ne kaha ki gareebi ki rekha se oopar jeevan yaapan karne vaale parivaaron ki shreni khatm ki jaani chaahiye kyonki yeh khaadyaann kaala baajaar mein bhejane ka ek bada jariya hai. Samiti ne kaha hai ki yadi nyaayaalaya mahasoos karta hai ki is shreni ko khatm karna sambhav naheen hai to is varg ka daayara ek lakh rupae ki saalaana aamdani vaale parivaaron tak seemit karne par vichaar kiya ja sakta hai. Samiti ke anusaar pradhaan mantri se lekar nichle star par sabhi saarvajanik vitran pranaali ko durust karne aur ise punargathit karne ki himaayat kar chuke hain. Is pranaali ke punaruddhaar ke liye kathor kadam uthaane ki aavashyakta hai. Report mein kaha gaya hai ki desh mein paanch lakh se adhik uchit dar dukaanon se saarvajanik vitran pranaali ke tahat khaadyaann vitrit kiya jaata hai. Iske tahat hi kendra sarkaar APL aur BPL aur antyodaya ann yojana ke liye raajyon aur kendra shaasit pradeshon ko khaadyaann aavantit karti hai. Saarvajanik vitran pranaali ke sanchaalaya ke liye kendra aur raajya sarkaaron ki sanyukt jimmedaari hoti hai. Kendra sarkaar jahaan khaadyaann khareedne, bhandaaran, use ek sthaan se doosare sthaan pahunchaane aur thok mein uske aavantan ki jimmedaari dekhta hai vaheen raajya sarkaar ke paas uchit dar dukaanon ke jariye upabhoktaaon mein iske vitran ki jimmedaari hai.

Sarkaar Apne Niyantran Mein Le PDS Dukaanein Vadhava Samiti Ki Sifaarish http://www.angrejinews.com/pic/267