Sapa-BJP Milkar Khel Rahi Hain Saampradaayik Card Maayaavati

Breaking »

Sapa-BJP Milkar Khel Rahi Hain Saampradaayik Card  Maayaavati

Lucknow: bahujan samaaj party (basapa) ki adhyaksh maayaavati ne pradhaanamantri pad ke liye bhaajapa ke ummeedavaar Narendra Modi ko kshetr Varanasi mein muslim bahul beniyaabaag mein chunaavi rally aur ganga aarti ki anumati naheen diye jaane ko sattaaroodh samaajavaadi party (sapa) aur bhaajapa ki mili-bhagat ka nateeja bataate hue aaj ise chunaavi laabh lene ka shadyantr karaar diya. Varanasi ke muslim bahul beniyaabaag ilaake mein Modi ki rally aur ganga aarti ke aayojan ki suraksha kaaranon se anumati na milne ke virodh mein bhaajapa kaaryakartaaon ke dharana-pradarshan ke beech maayaavati ne yahaan samvaadadaataaon se kaha ki sapa sarkaar ne Modi ke kaaryakramon ko anumati naheen dekar apne tatha bhaajapa ke paksh mein fija banaane ki koshish ki hai. unhonne kaha ki in sapa aur bhaajapa ne yahaan baar-baar saampradaayik aur jaativaadi card khelne ke baavajood apni lagaataar kharaab hoti sthiti ke maddenajar mileebhagat ke tahat jaanboojhkar Varanasi mein ek naya shadyantr aur naatakabaaji shuroo kar di hai taaki yahaan maahaul ko garama kar ise saampradaayik rang dekar usaka chunaavi laabh khaaskar padosi seaton, Varanasi aur aajamagadh mein uthaaya ja sake. Sapa pramukh mulaayam Singh Yadav aajamagadh se chunaav lad rahe hain. maayaavati ne chunaav aayog se maang ki ki vah apni svatantr bhoomika ka sakhti se nirvaah kare aur sapa tatha bhaajapa netaaon ke khilaaf aachaar sanhita ullanghan ke tamaam maamalon mein sakht se sakht kaarravaai kare. Khaaskar amit shaah, raamadev Yadav aur Narendra Modi ke khilaaf aachaar sanhita ullanghan ki shikaayaton par sakht kaarravaai ho. Sakht kaarravaai naheen hone se aayog ki bhoomika ko lekar janta mein galat sandesh ja raha hai. gaurtalab hai ki Varanasi jila prashaasan ne muslim bahul beniyaabaag ilaake mein Modi ki rally tatha ganga aarti ke kaaryakram ko suraksha kaaranon se anumati naheen di thi. Bhaajapa ke sthaaneeya kaaryakartaaon ne aaj iske khilaaf dharana-pradarshan kiya.

Sapa-BJP Milkar Khel Rahi Hain Saampradaayik Card Maayaavati http://www.angrejinews.com/pic/49961