Sanjaya Bane Priyanka Ke Fan

Movies »

Sanjaya Bane Priyanka Ke Fan

Chandramohan sharma sanjaya leela bhansaali ko in dinon Priyanka Chopra kuchh jyaada hi pasand aa rahi hain. Yahi vajah hai ki vah Priyanka ke fan ho gaye hain. Daraasal, Priyanka unki film 'Raamaleela' mein apne item number se to bhansaali ko inpres kar hi chuki theen, ab vah meri com par ban rahi baayaupik mein bhi kaafi mehnat karti dikh rahi hain. Yeh dekhkar bhansaali ko lag raha hai ki Priyanka bahut hi tailanted aur dediketed hain. Pichhle dinon, bhansaali 'Meri com' ki shooting ke silsile mein dharmashaala pahunche hue the. Boxer meri com ki life par ban rahi is film mein Priyanka ka kaam dekhkar vah hairaan rah gaye. Bhansaali ne kaha, 'Yakeen maaniye ki main ab Priyanka ka fan ho gaya hoon. Film ke liye Priyanka ne khud ko behatareen tareeke se dhaala hai. Is kirdaar ke prati unki lagan, nishtha aur mehnat dekhne ke baad main abhi se unhein sailyoot karta hoon. ' ek savaal ke javaab mein bhansaali ne kaha ki is film ki hero bhi Priyanka hi hain. Is praujekt ko shuroo karne se pehle vah achhi tarah se jaante the ki is mahilaapradhaan film mein koi naami aiktar kaam karne ko taiyaar naheen hoga. So unhonne Priyanka ke kirdaar ka taana-baana kuchh is tarah se buna ki vahi is film ki hero bhi hain. Bhansaali kehte hain ki yeh sab dekhkar unhonne tay kiya hai ki agale saal Priyanka ko lekar ek aur mahila pradhaan film banaaenge. Is film mein hero ka plaut shaayad gaayab hi rahega. Vaheen, Priyanka ne bhi kaha ki is rol ko nibhaana unke career ke liye ab tak ki sabse badi chunauti hai. Priyanka ke mutaabik, 'Bhaag milkha bhaag' mein farahaan ka kaam dekhne ke baad unhonne is kirdaar mein poori tarah se dhal jaane ke baad shooting shuroo ki.

Sanjaya Bane Priyanka Ke Fan http://www.angrejinews.com/pic/49958