Samay Ka Sahi Prabandhan Hi Safalta Hai Hritik Roshan

Movies »

Samay Ka Sahi Prabandhan Hi Safalta Hai  Hritik Roshan

Mumbai: Adhiktar logon ke liye safalta ka matlab hota hai, naam aur prasiddhi, lekin abhineta Hritik roshan kehte hain ki safalta ka matlab hai samay ka sahi tareeke se prabandhan karna, jisse aap apne har din ki dincharya mein apni pasand ke kaam kar sakein. Mangalvaar ko designer ghadiyon ke brand Rado ke launch par Hritik (39) ne kaha, apne anubhavon ke jariye mainne safalta ko bilkul alag najariye se samjha hai. Mere anusaar, safalta ka matlab shoharat ya daulat naheen hai. Yah kisi tarah ki prashansa naheen hai. Safalta ka matlab hai ki aap apne samay ka prabandhan kaise karte hai. Yah ek kala hai. Unhonne kaha, yadi aap un sabhi kaamon ke liye samay nikaal lete hain, jo aap karna chaahate hain to aap safal insaan hain. Yah poochhe jaane par ki unki jaankaari mein sabse jyaada samay ke paaband kaun hain, unhonne kaha, mere pita meri jindagi ke sabse jyaada samay ke paaband insaan hain.

Samay Ka Sahi Prabandhan Hi Safalta Hai Hritik Roshan http://www.angrejinews.com/pic/659