Samalaingik Sambandhon Ki Vajah Se Hui Thi AAP Neta Ki Hatya

Breaking »

Samalaingik Sambandhon Ki Vajah Se Hui Thi AAP Neta Ki Hatya

Varishth samvaadadaata, Ghaziabad Aam aadmi party (AAP) Delhi ke neta naveen das ki hatya samalaingik sambandhon ki vajah se hui thi. Ghaziabad police ne Budhvaar ko is case ka khulaasa karte hue bataaya ki hatya ke aarop mein teen logon ko giraftaar kiya gaya hai. SSP vaibhav Krishna ne bataaya ki giraftaar kiye gaye aaropiton ke naam taiyyab, taalib aur samar Khan hain. Unke paas se 4 lakh 85 hajaar rupaye, naveen ka aaifon, anya pepar, skooti, 3 mobile samet anya saamaan baraamad kiya gaya hai. Poochh-taachh mein taiyab ne bataaya hai ki kareeb dedh saal se uske naveen se samalaingik sambandh the. Donon Delhi mein gay party bhi aayojit karaate the. Kuchh samay se naveen us par livin mein rahane ka dabaav bana raha tha. Aisa na karne par usane rishte ke baare mein parivaar ko bataane ki dhamaki di thi. Isi dar ke kaaran usane hatya ki. SSP ka kehna hai ki abhi maamale ke anya pahaluon ki bhi jaanch ki ja rahi hai. Gay party mein hui thi donon ki mulaakaat Police ke anusaar, naveen aur taiyab ki mulaakaat dedh saal pehle ek gay party mein hui thi. Iske baad donon rileshanaship mein aa gaye the. Donon ke beech najadeekiyaan badhne ke baad vah desh me kai jagahon par ghoomane bhi gaye. Is dauraan vah Delhi mein gay party bhi aayojit karte the. Is party mein shaamil hone ke liye logon se kaafi rupaye bhi vasool kiye jaate the. Taiyab iveint aayojan ka kaam pehle se hi karta tha. Naveen ismein usaki madad lene laga. Donon milkar party mein samalaingik yuvakon ko bhejane ke saath hi khud bhi shaamil hua karte the. Vaaradaat mein bhaai ko bhi kiya shaamil Taiyab ne bataaya ki naveen ne kuchh din pehle Delhi ke chhatarapur mein ek flat liya tha. Iske baad se vah use livin mein rahane ke liye kah raha tha. Inkaar karne par naveen naaraaj ho gaya aur usane sabhi ko donon ke rileshan ke baare mein bataane ki dhamaki di. Is dhamaki ke baad taiyab ne badanaami ke dar se usaki hatya ki yojana banaai. Is yojana mein usane apne bhaai taalib aur samar Khan ko shaamil kiya. Car mein nashe ki haalat mein jinda jalaaya Yojana ke tahat 4 October ki raat kareeb 11 baje naveen ko loni-bhopura road par bulaaya gaya. Vahaan use halue mein nasheela padaarth milaakar khilaaya gaya. Iske baad nashe ki haalat mein usase ATM pin aur netabainking se judi jaankaari lekar aaropiyon ne khaate se 7 lakh rupaye nikaale. Ismein se 5 lakh rupaye taiyyab ke bank khaate mein transfer hue the, jabki 2 lakh kai traanjekshan karke cash nikaale gaye the. Paise nikaalne ke baad unhonne naveen ko nashe ki haalat mein hi aage ki seat par baithaaya aur car ki number plate nikaalkar petrol daalkar usamein aag laga di. Iske baad teenon skooti se faraar ho gaye. Car mein jalne se naveen ki maut ho gayi thi.

Samalaingik Sambandhon Ki Vajah Se Hui Thi AAP Neta Ki Hatya http://www.angrejinews.com/pic/227957