Salman Ne Khulkar Kiya Kamal Hassan Ka Samarthan

Movies »

Salman Ne Khulkar Kiya Kamal Hassan Ka Samarthan

Chennai: Bollywood abhinema Salman Khan ne kamal Hassan ki film 'Vishvaroopam' par Tamil Nadu mein pratibandh lagaane ka virodh kiya hai. Unhonne prashansakon se film nirmaata kamal Hassan ka samarthan karne ki appeal ki hai. Salman ne guruvaar ko twitter par likha, "Aasha karta hoon ki kamal Hassan ke prashansak unka samarthan kareinge, jaise mainne kiya aur apne prashansakon se aagrah karta hoon ki unako apna poora samarthan dein. Bhool gaye kya 'Ek dooje ke liye". . . Salman ne likha, "Dekho yaar, yah ek film hai aur sirf do hi tarah ki filmein hoti hain : Achhi aur buri. Safal aur asafal. . . Aur sirf darshak hi yah faisala kar sakte hain, jo tikt khareedkar film dekhne jaate hain. " Salman ne prashansakon ko apne sandesh mein sambodhit karte hue kaha ki aap cinemagharon mein jaaie aur kahiye ki hamein film dekhni hai. Film manoranjan ke liye hoti hai. Isse kaanoon aur vyavastha ki dikkat jaisi baat kyon hogi. Ullekhaneeya hai ki Madras High Court ne raajya mein film ke pradarshan par pratibandh laga diya tha. Maamale ki antim sunavaai aagaami 6 February ko hogi. Haalaanki Budhvaar ko Hassan film se kuchh vivaadit drushyon ko hataane ki baat par raaji ho gaye. In drushyon par kuchh muslim sangathanon ko aapatti hai. 'Vishvaroopam' ka hindi sanskaran 'Vishvaroop' shukravaar ko cinemagharon mein pradarshit kiya jaaega.

Salman Ne Khulkar Kiya Kamal Hassan Ka Samarthan http://www.angrejinews.com/pic/658