Salman Ko Maaloom Tha Ki Unki Vajah Se Logon Ki Jaan Jaaegi Adaalat

Movies »

Salman Ko Maaloom Tha Ki Unki Vajah Se Logon Ki Jaan Jaaegi  Adaalat

Mumbai: Mumbai ki ek adaalat ne das saal puraane sadak haadasa maamale mein abhineta Salman Khan ko gairiraadatan hatya ke gambhir aparaadh mein aaropi banaate hue kaha hai ki abhineta ko maaloom tha ki unki laaparavaahi se logon ki maut hogi aur ve ghaayal honge. Atirikt mukhya metropolitan magistrate VS Patil ne pichhle saptaah apne aadesh mein kaha ki Salman ko unke police angarakshak Ravindra Patil ne 90-100 kilometer prati ghanta ki raftaar se gaadi naheen chalaane ki salaah di thi kyonki aage ek teevr mod tha aur durghatana ki aashanka thi, lekin abhineta ne unki salaah par dhyaan naheen diya. Is aadesh ki prati guruvaar ko upalabdh karaai gayi. Salman ke vakeel deepesh Mehta ne kaha ki Maharashtra sarkaar ki yaachika par diye gaye is aadesh ko sheegra hi Salman Mumbai uchch nyaayaalaya mein chunauti deinge. Ullekhaneeya hai ki 28 September, 2002 ki raat ko upanagareeya Bandra ilaake mein Salman ne apni Toyota land cruiser se sadak kinaare ek bakery mein kathit roop se takkar maar di thi. Is haadase mein ek vyakti ki jaan chali gayi thi jabki chaar anya ghaayal ho gaye the. Ye log futapaath par so rahe the. Pehle Salman par IPC ki dhaara 304 A (laaparavaahi se vaahan chalaane) lagaai gayi thi jismein do saal ki kaid ka praavadhaan hai lekin ab un par IPC ki dhaara 304 lagaai gayi hai jismein adhiktam das saal ki kaid ho sakti hai.

Salman Ko Maaloom Tha Ki Unki Vajah Se Logon Ki Jaan Jaaegi Adaalat http://www.angrejinews.com/pic/1367