Salman Khan Ko Supreme Court Se Raahat, Dange Ki Dhaara Naheen Lagegi

Movies »

Salman Khan Ko Supreme Court Se Raahat, Dange Ki Dhaara Naheen Lagegi

Nai Delhi: Bollywood abhineta Salman Khan ko Supreme court se raahat mili hai. 1998 ke kaale hiran ke shikaar maamale mein Rajasthan mein danga bhadkaane ke aarop mein un par sunavaai naheen ki jaaegi. Supreme court ne haalaanki guruvaar ke aadesh mein kaha ki un par vanya jeev sanrakshan adhiniyam ke tahat kaanooni kaarravaai ki jaaegi. Nyaayamoorti pi. Sadaashivm ki adhyakshata waali peeth ne Rajasthan sarkaar ki yaachika ko sveekaar naheen kiya. Yaachika mein kaha gaya tha ki Salman tatha chaar anya par bhaarateeya dand sanhita ke praavadhaanon ke tahat danga bhadkaane ka bhi maamala chalaaya jaae. Kaale hiran ka shikaar karne ka yeh maamala 1998 ka hai, jab film 'Ham saath-saath hain' ki shooting chal rahi thi. Rajasthan sarkaar ne Supreme court mein Rajasthan High Court ke aadesh ko chunauti di thi. High Court ne nichli adaalat ko Salman tatha chaar anya ke khilaaf danga failaane ka maamala khatm karne ka adhikaar diya hai. Ullekhaneeya hai ki Salman, saif Ali Khan, neelam, tabboo aur sonaali Bendre par sanrakshit kaale hiran ka shikaar karne ka aarop hai. Aarop ke mutaabik, unhonne October 1998 mein Jodhpur ke nikat kaankani gaanv mein kaale hirnon ka shikaar kiya tha.

Salman Khan Ko Supreme Court Se Raahat, Dange Ki Dhaara Naheen Lagegi http://www.angrejinews.com/pic/361