Sakht Hota Kaarobaari Maahaul Mistri Ke Liye Sabse Badi Chunauti Ratan Tata

Business »

Sakht Hota Kaarobaari Maahaul Mistri Ke Liye Sabse Badi Chunauti  Ratan Tata

New York: Tata samooh ke Chairman pad se haal hi mein sevaanivrutt hue ratan tata ne kaha ki 100 arab dollar ke is samooh ke nae Chairman Cyrus mistri ke liye mushkil hota kaarobaari maahaul se nipatna sabse badi chunauti hogi. Yeh 1991 ke sankat se jyaada jatil hai. Tata ne time patrika ko diye saakshaatkaar mein kaha, 'Badi chunauti yeh hai ki kaarobaari maahaul mushkil ho raha hai aur yeh 1991 ke mukaabale jyaada jatil hai. 1991 mein udaareekrut arthavyavastha mein kam logon ko safal hone ki ummeed thi. ' Tata 21 saal ke kaaryakaal ke baad tata samooh ke pramukh ke pad se 28 December ko sevaanivrutt hue. Vah apne uttaraadhikaari ke saamane sabse badi chunauti ke baare mein poochhe gaye savaal ka javaab de rahe the. Yeh poochhane par ki kya bhrashtaachaar ke kaaran Bhaarat mein niveshakon ka vishvaas kam ho raha hai, unhonne kaha, 'Kuchh samay tak yeh hamaari chinta ka vishay raha lekin uchch vruddhi dar aur desh ki sampannta ne ise feeka kar diya. ' unhonne kaha, 'Isse satta aur kaarobaar ki saath-gaanth badhi aur hamaare jaise log chintit rahe hai ki isse kaam karne ke samaan mauke us tarah naheen milte jaise milne chaahiye. ' Tata samooh ke doorasanchaar kshetr mein kathit aniyamitataon mein shaamil hone aur tata ke ek lobbyist ke jaanch ke ghere mein aane ke baare mein poochhe gaye savaal ke baare mein kaha ki jaanch agencyon ne na sirf samooh ko bari kiya balki yeh bhi paaya ki use sabhi doorasanchaar companiyon mein sabse kam faayda mila. Unhonne kaha, 'Nishchit taur par kuchh phone call tape hue the lekin ismein nukasaanadeh kuchh bhi naheen tha. ' tata ne kaha, 'Humne kuchh bhi galat naheen kiya kuchh bhi gairkaanooni naheen kiya isliye mainne kuchh bhi alag naheen kiya. ' Sevaanivrutti ke anubhav ke baare mein poochhane par tata ne kaha, 'Mujhe achha lag raha hai. Jahaan tak mera savaal hai yeh raahat ki baat hai. '

Sakht Hota Kaarobaari Maahaul Mistri Ke Liye Sabse Badi Chunauti Ratan Tata http://www.angrejinews.com/pic/190