Saindars Hatyaakaand Case Ki FIR Mein Bhagat Singh Ka Naam Naheen Tha Pak Police

Breaking »

Saindars Hatyaakaand Case Ki FIR Mein Bhagat Singh Ka Naam Naheen Tha  Pak Police

File photo File photo Lahore: Lahore police ko 1928 mein yahaan ek british police adhikaari ki hatya ke maamale mein darj FIR mein shaheed-A-aajam bhagat Singh ke naam ka jikr naheen mila hai. Bhagat Singh ko faansi diye jaane ke 83 saal baad maamale mein mahaan svatantrata senaani ki begunaahi ko saabit karne ke liye yeh bada protsaahan hai. bhagat Singh memoriyl foundation ke adhyaksh yaachikaakarta imtiyaaj Rashid kuraishi ne yaachika daayar ki thi, jismein bhagat Singh, sukhadev aur raajaguru ke khilaaf tatkaaleen SSP John pi saindars ki hatya ke maamale mein darj praathamiki ki satyaapit prati maangi gayi thi. bhagat Singh ko saindars ki hatya ke liye maut ki saja sunaai gayi thi aur mahaj 23 saal ki umr mein 1931 mein unhein Lahore ke shaadamaan chauk par faansi di gayi thi. Unhein faansi diye jaane ke aath dashak se adhik samay beet jaane ke baad Lahore police ne adaalat ke aadesh par anaarkali thaane ke record ki gahan chhaanabeen ki aur saindars hatyaakaand ki praathamiki dhoondhne mein kaamayaab rahi. urdoo mein likhi praathamiki anaarkali thaane mein 17 December 1928 ko shaam saadhe chaar baje 'Do agyaat logon' ke khilaaf darj ki gayi thi. Anaarkali thaane ka ek police adhikaari maamale mein shikaayatakarta tha. shikaayatakarta is maamale ka pratyakshadarshi bhi tha aur usane kaha ki jis vyakti ka usane peechha kiya vah 'Paanch fut paanch inch lamba tha, hindu chehara, chhoti moonchhein aur dubali patali aur majaboot kaaya thi. Vah safed rang ka paayajaama aur bhoore rang ki kameej aur kaale rang ki chhoti kristi jaisi topi pahane tha. ' maamala bhaarateeya dand sanhita ki dhaara 302, 120 aur 109 ke tahat darj kiya gaya tha. Lahore police ki vidhik shaakha ke ek inspector ne atirikt jila evam satr nyaayaadheesh (Lahore) taarik Mehmood jaaragaam ko seelaband lifaafe mein praathamiki ki satyaapit prati saunpi. Adaalat ne kuraishi ko praathamiki ki ek prati saunpi. kuraishi ne kaha ki bhagat Singh ke maamale ki sunavaai kar rahe nyaayaadhikran ke vishesh nyaayaadheeshon ne maamale ke 450 gavaahon ko sune bina unhein maut ki saja sunaai. Unhonne bataaya ki bhagat Singh ke vakeelon ko unase jirah ka avsar naheen diya gaya. kuraishi ne Lahore High Court mein bhi ek yaachika daayar ki hai, jismein bhagat Singh maamale ko dobaara kholne ki maang ki gayi hai. Unhonne kaha, 'Main saindars maamale mein bhagat Singh ki begunaahi ko sthaapit karna chaahata hoon. ' Lahore High Court ne maamale ko mukhya nyaayaadheesh ke paas bheja hai, taaki sunavaai ke liye vah vruhat peeth ka gathan karein.

Saindars Hatyaakaand Case Ki FIR Mein Bhagat Singh Ka Naam Naheen Tha Pak Police http://www.angrejinews.com/pic/49548