Saifi Masjid Mein Bole PM Modi, Dil Aur Aatma Ko Bhi Svachh Rakhana Jaroori

Breaking »

Saifi Masjid Mein Bole PM Modi, Dil Aur Aatma Ko Bhi Svachh Rakhana Jaroori

Indore Pradhaanamantri Narendra Modi ne shukravaar ko madhya pradesh ke Indore sthit saifi masjid ka daura kiya. Bohara samudaaya ke dharmaguru saiyadana mufaddal saifuddeen ne masjid ke darvaaje par hi PM Modi ki agavaani ki aur unhein manch tak lekar aae. PM Modi ko gale lagaakar saiyadana ne saifi masjid mein unka svaagat kiya. Kaaryakram ko sambodhit karte hue PM Modi ne kaha ki aap log duniya mein hamaari vasudhaiv kutumbakam ki parampara ko aage badha rahe hain. PM Modi ne svachh Bhaarat ka jikr karte hue kaha ki hamein apne dil aur aatma ko bhi svachh rakhana hai. Saifi masjid mein PM Modi, Jaanein kaun hain daaoodi bohara samudaaya Daaoodi bohara samudaaya ki saraahana karte hue PM Modi ne kaha, 'Imaam husain ke pavitra sandesh ko aapne apne jeevan mein utaara hai aur sadiyon se desh aur duniya tak paigaam pahunchaaya. Imaam husain aman aur insaaf ke liye shaheed ho gaye. Unhonne anyaaya aur ahankaar ke viruddh apni aavaaj buland ki thi. Unki yeh seekh jitni tab jaroori thi, utani hi aaj ki duniya ke liye aham hai. ' Jaaniye, ab tak kin-kin masjidon mein gaye Modi PM Modi ne kaha ki in paranparaaon ko mukharata se prachaarit karne ki aavashyakta hai. Mujhe vishvaas hai ki saiyadana saahab aur bohara samaaj ka ek-ek jan ismein juta hua hai. PM Modi ne kaha ki vasudhaiv kutumbakam ki hamaare samaaj aur viraasat ki yahi shakti hai ki hamein duniya ke doosare deshon se alag pehchaan milti hai. Unhonne kaha ki hamaari is parampara se bohara samudaaya poori duniya ko avagat kara raha hai. Modi bole, 'Main duniya mein jahaan bhi jahaan gaya vahaan shaanti aur vikaas ke liye apne samaaj ke yogadaan ki baatein jaroor karta hoon. Shaanti, sadbhaav, satyaagraah, raashtravaad aur sauhaard ke prati bohara samudaaya ki bhoomika hamesha mahatvapoorn hai. Saiyadana saahab hamesha desh aur samaaj ke liye kaam karne ki prerana dete rahe hain. ' Saifi vila mein ruke the mahaatma Gandhi PM Modi ne kaha ki mahaatma Gandhi ki bohara samudaaya ke saiyadana se mulaakaat hui thi aur Indore mein saifi vila mein vah ruke the. Is jagah ko baad mein raashtra ko samarpit kar diya gaya. Bohara samudaaya se mera puraana naata raha hai. Aaj bhi mere darvaaje aapke parijanon ke liye hamesha khule rahate hain. Mujhe poora vishvaas hai ki aapka aur aapke poore parivaar ka sneh mujh par bana rahega. Gujarat ka shaayad hi koi gaanv ho, jahaan bohara vyaapaari samaaj ka koi pratinidhi vahaan na mile. Jab main Gujarat ka CM tha to bohara samudaaya ne kadam-kadam par saath diya. Yeh bhi padhein: Modi ka muslim dharmaguru ne yoon kiya istakabaalakuposhan se jang mein bohara samudaaya ne diya saath PM Modi ne kaha ki aaj se kuchh saal pehle mainne ek kaaryakram mein kuposhan ke khilaaf ladaai ke liye bohara samaaj se sahayog maanga tha. Ise bhi bohara samaaj aur saiyadana saahab ne haathon haath liya. Sanyog dekhiye ki jab bohara samudaaya ashara mubaarak ke mauke par juta hai, tab poore desh mein poshan maah manaaya ja raha hai. Bohara samudaaya ki kamyuniti kichn ko saraaha PM Modi ne kaha ki kamyuniti kichn ke maadhyam se bohara samaaj yeh sunishchit karne mein juta hai ki samaaj ka koi vyakti bhookha na soe. Aap logon ke svaasthya ka khyaal rakhate hue kai aspataal chalaate hain. Aapke prayaason se ab tak 11,000 logon ko apna ghar mil chuka hai. Ab sarkaar bhi sabko ghar dene ki koshish mein hai. 2022 tak is par kaam poora karne ki yojana hai. 1 karod logon ko ab tak ham ghar ki chaabi de chuke hain. Mufaddal saifuddeen sang manch tak aae PM Modi PM Modi yahaan shiya muslimon ke daaoodi bohara samudaaya ke ashara mubaarak kaaryakram mein shaamil hue hain. CM shivraaj Singh chauhaan bhi is dauraan unke saath maujood rahe. Isse pehle PM Modi saiyadana mufaddal saifuddeen ke saath masjid ke dwaar se manch tak aae. Saifi masjid daaoodi bohara samudaaya ki masjid hai. Bata dein November mein madhya pradesh mein vidhaanasabha chunaav hone vaale hain. Ise dekhte hue PM Modi ka yeh daura aur daaoodi bohara samudaaya ke kaaryakram mein shaamil hona kaafi aham maana ja raha hai. Bohara samudaaya ke 53vein dharmaguru hain saiyadana Pradhaanamantri Narendra Modi ne shukravaar ko Indore mein daaoodi bohara samudaaya ke dharmaguru saiyadana mufaddal saifuddeen se mulaakaat ki. Daaoodi bohara samudaaya ke saiyadana 53vein dharmaguru hain, unke 12 September se Indore mein dhaarmik pravachan chal rahe hain. Saiyadana pehli baar Indore aae hain, isse pehle unka soorat mein aana hua tha. Saiyadana ke pita apne jeevanakaal mein do baar Indore aae the.

Saifi Masjid Mein Bole PM Modi, Dil Aur Aatma Ko Bhi Svachh Rakhana Jaroori http://www.angrejinews.com/pic/223308