Sadkon Par Gaddhe Se 5 Saal Mein 15,000 Mautein, SC Ne Lagaai Fatkaar

Breaking »

Sadkon Par Gaddhe Se 5 Saal Mein 15,000 Mautein, SC Ne Lagaai Fatkaar

Nai Delhi Desh bhar mein sadkon par bane gaddhe mein girne se pichhle paanch saalon mein 15 hajaar maut par Supreme court ne kadi naaraajagi jataai hai. Court ne kaha ki yeh aankada border par aur aatanki hamle mein marne vaalon se bhi jyaada hai. Justice madan bi. Lokoor ki aguvaai waali bench ne kaha ki aankada is baat ka gavaah hai ki sadkon ka rakharakhaav sahi tarah se naheen ho raha hai. Yeh sveekaarya naheen hai ki sadak par bane gaddhon ke kaaran is kadar logon ki maut ho rahi hai. Supreme court committee dvaara pesh ki gayi report ko dekhne ke baad sheersh adaalat ne ukt tippani ki. Supreme court ke poorv Justice ke. S. Raadhaakrushnanan ki aguvaai waali committee ne road sefti par apni report pesh ki thi. Report mein kaha gaya hai ki 2013 se lekar 2017 ke beech 14,926 logon ki sadkon par bane gaddhe ke kaaran maut hui hai. Supreme court ne report ko dekhne ke baad kaha ki aantaki hamle mein marne vaalon se bhi jyaada mautein sadak par bane gaddhe ke kaaran hone vaale eksideint se hui hain. Supreme court ne kendra sarkaar se committee ki report par javaab daakhil karne ko kaha hai. Adaalat ne kendra sarkaar se kaha hai ki vah tamaam raajyon se is maamale mein sampark kare aur fir report par javaab daakhil kare. Maamale ki sunavaai ab January mein hogi. Supreme court mein court salaahakar gaurav Agrawal ne bataaya ki committee ne report pesh ki hai. Report NHAI ke aankadon par aadhaarit hai. Sadak ke rakharakhaav ki jimmedaari jiski hai vahi iske liye jimmedaar hai. Raajya ke sadak vibhaag sadkon ka sahi tarah se rakharakhaav naheen kar rahi hai. Supreme court ne kaha ki jo aankada pesh kiya gaya hai usase saaf hai ki maut ki sankhya behad jyaada hai. Isse saaf hota hai ki sadkon ke rakharakhaav ki jimmedaari jis par hai vah kaam naheen kar rahi hai. Chaahe myunisipl kauraporeshan, raajya sarkaar ya NHAI ho vah sadkon ka rakharakhaav sahi tarah se naheen kar rahe hain. Aise maamale mein viktim ko muaavaja tak naheen mil raha hai. Jakhmi ka deta naheen hai. Unki sankhya aur jyaada hogi. Supreme court viktim ko muaavaja diye jaane ke mudde par bhi sunavaai kar rahi hai. Court salaahakaar gaurav Agrawal ne court ko bataaya tha ki road sefti maamale mein jo samasyaaen hain use naheen dekha ja raha hai. Sadkon ke gaddhe ko kaise ripeyar kiya jaae is par paulisi naheen hai. Meeting mein koi input naheen tha ki kaise sadkon ke gaddhe ko theek kiya jaae. Jo blaaind spot hai use bhi dekha jaana chaahiye.

Sadkon Par Gaddhe Se 5 Saal Mein 15,000 Mautein, SC Ne Lagaai Fatkaar http://www.angrejinews.com/pic/239601