Sabareemaala Vivaad Darshan Ke Aakhiri Din Bhi Naheen Mili Entry, Mahila Ko Pradarshanakaariyon Ne Lautaaya

Breaking »

Sabareemaala Vivaad Darshan Ke Aakhiri Din Bhi Naheen Mili Entry, Mahila Ko Pradarshanakaariyon Ne Lautaaya

Pamba Kerala ke sabareemaala mandir mein 'Darshan' ke aakhiri din, somvaar ko 'Rajasvala' aayuvarg ki ek aur mahila ne mandir mein pravesh ka prayaas kiya lekin pradarshanakaariyon ke virodh ke chalte unhein vaapas lautana pada. Vaheen raat mein mandir ka praveshadvaar band hone se pehle 'Rajasvala' aayuvarg ki aur mahilaaon ke mandir aane ka prayaas karne ki khabaron ke beech suraksha badha di gayi hai. Adhikaariyon ne kaha ki dalit kaaryakarta bindoo pahaadi par sthit sabareemaala mandir ki talahati mein sthit pamba ki or badh rahi thi. Pamba se hi shraddhaalu mandir ke liye paanch kilometer ki chadhaai shuroo karte hain. Dalit kaaryakarta bindoo ko unke anurodh par police sanrakshan pradaan kiya gaya. Bindoo Kerala raajya parivhan nigam ki bas mein policekarmiyon ke saath safar kar rahi thi. Jab bas pamba pahunchane waali thi, 'Naishthik brahmachaari' ke mandir mein 10 se 50 saal ki aayu varg ki ladkiyon evam mahilaaon ke pravesh ka virodh kar rahe shraddhaaluon aur BJP kaaryakartaaon ke ek samooh ne sadak baadhit kar di aur unhein bas se utarane ke liye baadhya kar diya. Adhikaariyon ne kaha ki bindoo ko police ki jeep mein suraksha mein le jaaya gaya. Padhein: Jaaniye bachchi ne kyon kaha, '41 saal baad aaoongi sabareemaala' Bhagwan ayappa mandir ke dwaar 17 October ko paanch divseeya pooja ke liye khulne ke baad mandir mein darshan ka prayaas karne waali kareeb 12 mahilaaon ko naaraaj pradarshanakaariyon ke chalte vaapas hona pada hai. Mandir khulne ke pratham din koi pooja naheen hui. Mandir ke dwaar somvaar ko raat 10 baje band ho jaaenge. 'Rajasvala' aayuvarg ki mahilaaon ko ghane jungle sthit mandir tak jaane se rokane ke liye sabareemaala sanneedhaanam mandir parisar mein saikadon shraddhaalu dera daale baithe hain. Sabareemaala sanneedhaanam, pamba, nilaakal aur ilaavumakal mein dand prakriya sanhita ki dhaara 144 laagoo kiye jaane ke baavajood saikadon ayappa shraddhaaluon ne mahilaaon ko mandir tak jaane se rok diya hai. Police ne is soochana ke baad sanneedhaam aur anya kshetron mein suraksha badha di hai ki kuchh mahilaaen mandir jaane ka prayaas kar sakti hain. Mahila shraddhaaluon ki suraksha sunishchit karne ke liye tainaat police mahaanireekshak S shreejeet ne somvaar subah mandir mein darshan kiya. Sthaaneeya media ne adhikaari dvaara mandir mein darshan karne ka vidiyo prasaarit kiya jismein unki aankhon mein aansu dikhe. Jaanein, sabareemaala mandir se jude reeti rivaaj aur isse judi khaas 11 baatein Rehaana Fatima ko police suraksha mein mandir tak laane ke liye shreejeet ko shraddhaaluon ki naaraajagi ka saamana karna pada. Yadyapi ayappa shraddhaaluon ke kade virodh ke chalte police mukhya mandir mein Fatima ka pravesh naheen kara saki. Shraddhaaluon ki badi sankhya ne ravivaar ko chhah mahilaaon ko sabareemaala mandir mein pravesh se rok diya tha. Iske alaava naatakeeya ghatnaakram ke beech chhah telugu bhaashi mahilaaon ko bhi prasiddh mandir tak jaane se roka gaya. 10 se 50 varsh ki aayuvarg ki mahilaaon ke mandir mein pravesh se rok hataane ke Supreme court ke nirnaya ko laagoo karne ke Kerala sarkaar ke khilaaf shraddhaaluon ka pradarshan jaari hai. Sabareemaala: Supreme court ke faisale ke khilaaf shraddhaaluon ka virodh pradarshanaX Is khabar ko angreji mein padhne ke liye yahaan klik karein.

Sabareemaala Vivaad Darshan Ke Aakhiri Din Bhi Naheen Mili Entry, Mahila Ko Pradarshanakaariyon Ne Lautaaya http://www.angrejinews.com/pic/229960