Sabareemaala Par Sangraam BJP Kaaryakartaaon Ka Virodh Diwas, Congress Ne Kaha- Aatank Ka Maahaul

Breaking »

Sabareemaala Par Sangraam BJP Kaaryakartaaon Ka Virodh Diwas, Congress Ne Kaha- Aatank Ka Maahaul

Tiruvanantapuram Sabareemaala mein har umr ki mahilaaon ke pravesh ko lekar siyaasi sangraam jaari hai. Is beech mein BJP kaaryakartaaon ne party ke mahaasachiv sureindran ki giraftaari ke virodh mein ravivaar ko raajamaargon ko avaruddh kar diya. Sureindran ko shanivaar ko Bhagwan ayappa mandir ke raaste mein hiraasat mein le liya gaya tha. Ravivaar ko mahilaaon samet pradarshanakaari rajdhani kochchi, trishoor, palakkad aur kottaarakkaara up jail ke saamane sadkon par baith gaye. Is kaaran se kai sthaanon par yaataayaat baadhit ho gaya. Bata dein ki sureindran kottaarakkaara jail mein hi band hain. In sabhi sthaanon par pradarshanakaari taaliyaan bajaate hue aur svaami ayappa ke naare lagaate hue dekhe gaye. Tiruvanantapuram mein BJP neta MS Kumar ne kaha ki police Supreme court ke aadesh ke baad sabareemala mandir mein ek bhi yuva mahila ko le jaane mein kaamayaab naheen hui. Bata dein ki Supreme court ne apne 28 September ke aadesh mein mandir mein sabhi aayu varg ki mahilaaon ke pravesh ki anumati di thi. Udhar, soobe ki LDF sarkaar ka rukh hai ki vah adaalat ke aadesh ko laagoo karne ke liye samvaidhaanik roop se baadhya hai. Vaheen mukhya vipakshi dal Congress ne kaha ki vah shraddhaaluon ke saath hai. Vaheen BJP sahit dakshinpanthi sangathanon ne yeh spasht kar diya ki ve mandir mein 10 se 50 varsh ki aayu samooh ki kisi bhi mahila ko pravesh naheen karne deinge. Congress ne lagaae gambhir aarop Sureindran aur do anya ko jabaran mandir ke liye jaane ki koshish ke baad shanivaar raat ko ehatiyaatan hiraasat mein liya gaya. Baad mein unhein 14 din ki nyaayik hiraasat mein bhej diya gaya. Ise lekar virodh jaari hai. Is beech Congress ne aarop lagaaya hai ki Kerala sarkaar mandir ki suraksha ke naam par aatank jaisa maahaul bana rahi hai. Congress vidhaayak Radhakrishnan ne yahaan samvaadadaataaon se kaha, 'Sabareemala ko vastut: Ek kile mein badal diya gaya hai, jahaan Bhagwan ayappa ke bhakton ka pravesh rok diya gaya hai. ' Lautane par majaboor hui theen trupti Desai Koni vidhaanasabha kshetr ka pratinidhitv karne vaale prakaash ne daava kiya ki sabareemala mein bhaari police tainaati bhakton ki saamaanya aavaajaahi ko baadhit kar rahi hai. Unhonne aarop lagaaya ki sarkaar police bal ka upayog karke, Bhagwan ayappa mandir ki suraksha sunishchit karne ke naam par aatank-jaisa vaataavaran bana rahi hai. Bata dein ki shukravaar ko kochchi havaai adde par pahuncheen saamaajik kaaryakarta trupti Desai ko 13 ghante ke virodh ke baad Maharashtra lautane ke liye majaboor hona pada tha.

Sabareemaala Par Sangraam BJP Kaaryakartaaon Ka Virodh Diwas, Congress Ne Kaha- Aatank Ka Maahaul http://www.angrejinews.com/pic/235471