Saarada Chitfand Ghotaala Police Commissioner Rajiv Kumar Se Teesare Din Bhi CBI Ki Poochh-taachh

India »

Saarada Chitfand Ghotaala Police Commissioner Rajiv Kumar Se Teesare Din Bhi CBI Ki Poochh-taachh

Shilaung Pashchim Bengal ke charchit saarada chitfand ghotaale mein Kolkata ke police commissioner Rajiv Kumar se lagaataar teesare din CBI (keindreeya jaanch bureau) ki team poochh-taachh kar rahi hai. Isse pehle shanivaar aur ravivaar ko bhi ghotaale ke silsile mein CBI afsaron ne Rajiv Kumar se ghanton poochh-taachh ki thi. Police commissioner Rajiv Kumar somvaar subah meghaalaya ki rajdhani shilaung sthit CBI ke daftar pahunche. Unase pichhle do dinon ke dauraan lambi poochh-taachh ho chuki hai. Hamaare sahayogi times of India ke mutaabik saarada ghotaale ke mukhya aaropi aur poorv Trinamool Congress saansad kunaal ghosh se bhi ravivaar ko poochh-taachh ki gayi. Rajiv Kumar aur TMC saansad ko kareeb dhaai ghante tak aamne-saamane bithaakar savaal-javaab kiye gaye. Ek CBI adhikaari ne teeoaai ko bataaya, 'Is vakt poochh-taachh ki samayaseema ke baare mein bataana bahut mushkil hai. ' shanivaar ko bhi Rajiv Kumar se saat ghante tak poochh-taachh chali thi. Bengal sarkaar ke sootron ka kehna hai ki is mudde par kaanooni salaah li ja sakti hai. Kunaal ghosh ke vakeel ayaan chakrabarti ka kehna hai, 'Vah CBI ke adhikaariyon ko sahayog karne ke liye aae hain aur jamaanat ki yeh pehli shart hai. ' Bata dein ki saarada chitfand skaim ki jaanch CBI ke paas jaane se pehle bataur SIT cheef Rajiv Kumar ki nigraani mein chal rahi thi. Pashchim Bengal sarkaar ne is ghotaale ki jaanch ke liye Rajiv Kumar ki aguaai mein ek SIT ka gathan kiya tha. Haalaanki baad mein Supreme court ne maamale ki jaanch CBI ko saunp di. Delhi mein CBI ke adhikaariyon ne bataaya ki Rajiv Kumar ne maang ki thi ki unke bayaanon ki vidiyo rikaurding ki jaae. Haalaanki CBI ne unki yeh maang naheen maani. Aisa hiraasat mein lekar ki gayi poochh-taachh ke dauraan hota hai. Kuchh reports mein Rajiv Kumar ke vakeel ke havaale se daava kiya ja raha tha ki CBI Rajiv Kumar ke bayaanon ki vidiyo rikaurding bhi kar rahi hai. Jaanch ko kareeb se dekh rahe ek CBI adhikaari ne naam na jaahir karne ki shart par bataaya, 'Rajiv Kumar aur kunaal ghosh ko dopahar baad aamne-saamane baithaakar lambi poochh-taachh ki gayi. Isse pehle donon se kaafi der alag-alag poochh-taachh chali thi. '

Saarada Chitfand Ghotaala Police Commissioner Rajiv Kumar Se Teesare Din Bhi CBI Ki Poochh-taachh http://www.angrejinews.com/pic/254026