Saaniya Mirja Koolhe Ki Chot Ke Kaaran Fed Cup Se Hateen

Sports »

Saaniya Mirja Koolhe Ki Chot Ke Kaaran Fed Cup Se Hateen

Nai Delhi: Fed cup shuroo hone se pehle hi Bhaarat ki ummeedon ko tab karaara jhatka laga, jab desh ki choti ki tennis khilaadi saaniya mirja Australiaee open ke dauraan koolhe ki maansapeshiyon mein khinchaav ke kaaran tournament se hat gain. Saaniya ki chot ki Australia mein jaanch ki gayi aur unhein do saptaah ke vishraam ki salaah di gayi hai. Vah pattaaya tournament mein apne yugal khitaab ka bachaav bhi naheen kar paaengi. Unki chot ki sahi sthiti somvaar ko Hyderabad mein hone waali jaanch ke baad pata chalegi. Maansapeshiyon ke fatne ki sthiti mein unhein lambe samay tak court se baahar rahana pad sakta hai. Saaniya Australiaee open ke mishrit yugal mein apne nae jodeedaar Bob Brian ke saath quarter final se aage naheen badh pai thi. Mahila yugal mein unki aur America ki Bethany maatek sands ki jodi pehle daur mein haarakar baahar ho gayi thi. Bhaarat fed cup mein ek saal saal group do mein bitaane ke baad fir se group ek mein aaya hai. Bhaarat ne February, 2012 mein Hongkong ko 2-1 se haraakar fir se group ek mein pravesh kiya tha. Akhil bhaarateeya tennis sangh ab unke sthaan par kisi anya khilaadi ka chayan karega. Kaayara Shroff, rootuja bhonsale aur rishika sunakaara team ki anya sadasya hain. Ankita raina aur prerana Bhambri 6 February se Kazakhstan ke astaana mein hone vaale tournament ke liye reserve khilaadi hain.

Saaniya Mirja Koolhe Ki Chot Ke Kaaran Fed Cup Se Hateen http://www.angrejinews.com/pic/507