Saaniya, Bhoopati Australiaee Open Mishrit Yugal Se Bhi Baahar

Sports »

Saaniya, Bhoopati Australiaee Open Mishrit Yugal Se Bhi Baahar

Melbourne: Saaniya mirja aur mahesh bhoopati ke mishrit yugal spardha mein apne jodeedaaron ke saath quarterfinal match ganvaane se Bhaarat ki Australiaee open tennis tournament mein chunauti samaapt ho gayi. Saaniya aur unke ameriki jodeedaar Bob Brian ko lusi hraadeka aur fraantisek sarmaak ki gair vareeya check ganaraajya jodi se 5-7, 4-6 se haar ka munh dekhna pada. Bhoopati aur unke roosi jodeedaar Nadia petrov ki paanchaveen vareeya jodi jaarmila Gajdosova aur Matthew ebadan ki Australiaee jodi se 3-5, 6-3, 11-13 se shikast mili. Saaniya aur Brian pehle court par utare aur unhonne 37 minute mein pehla set ganva diya. Pratidvandvi jodi ne do baar unki service todi aur unhonne aath mein se saat break point ganvaae. Doosare set ka bhi yahi haal raha, jismein hraadeka aur sarmaak ne 28 minute mein ise apne naam kar semifinal mein jagah banaai. Vaheen bhoopati aur petrova ka mukaabala kaafi romaanchak raha. Pehla set sthaaneeya khilaadiyon ne do service break se hathiya liya. Lekin bhoopati-petrova ne 35 minute tak chale doosare set mein vaapasi. In donon ne ek bhi break point naheen ganvaaya aur paanch mein se ek ko ank mein tabdeel kiya tatha 18 winner lagaakar 1-1 se baraabari haasil ki. Nirnaayak set mein bhoopati-petrova ne paanch double fault kiye, jiska khaamiyaaja unhein haarakar uthaana pada.

Saaniya, Bhoopati Australiaee Open Mishrit Yugal Se Bhi Baahar http://www.angrejinews.com/pic/516