Roos Par Atirikt Pratibandh Lagaaega Ji-7

Breaking »

Roos Par Atirikt Pratibandh Lagaaega Ji-7

Washington: ji-7 deshon ke netaaon ne poorvi Ukraine ko asthir banaane ke roos samarthit prayaason par gahari chinta jataate hue kaha hai ki unhonne Moscow par atirikt pratibandh lagaane ka faisala kiya hai. Canada, France, Germany, Italy, Japan, Britain aur America ji-7 ke sadasya desh hain. Europeeya parishad ke adhyaksh aur Europeeya aayog ke adhyaksh ne bhi ji-7 deshon dvaara jaari sanyukt bayaan par hastaakshar kiye. Isse kuchh ghanton pehle America ke raashtrapati Barack Obama ne Germany, France, Britain aur Italy ke netaaon se baat ki thi. sanyukt bayaan mein kaha gaya hai, ham ab is baat par sahamat ho gaye hain ki ham roos par atirikt pratibandh lagaane ki disha mein teji se aage badheinge. Ukraine mein agale maah hone vaale raashtrapati pad ke chunaavon ko safal banaane aur is dauraan shaantipoorn lokataantrik matadaan ko sunishchit karne ki atyaavashyakata ke maddenajar ham lakshit pratibandhon ko lekar tatkaal kaam karne ke liye pratibaddh hain. Is bayaan mein netaaon ne poorvi Ukraine ko asthir banaane ke roos samarthit alagaavavaadiyon ke lagaataar prayaason par gahari chinta vyakt ki hai.

Roos Par Atirikt Pratibandh Lagaaega Ji-7 http://www.angrejinews.com/pic/48665