Roos Ka Daava- ISIS Ki Madad Kar Raha America Par Saboot Mein Diya Vidiyo Game Ka Screenshot

Breaking »

Roos Ka Daava- ISIS Ki Madad Kar Raha America Par Saboot Mein Diya Vidiyo Game Ka Screenshot

Moscow Viytanaam mein daunald trump aur vlaadimeer putin ki mulaakaat ke baad ab roos ne America par ek sanasaneekhej aarop lagaaya hai. Mangalvaar ko roos ke raksha mantraalaya ne kaha ki roos samarthit senaaon ke khilaaf ameriki suraksha bal duniya ke khoonkhaar aatanki sangathan ISIS ki madad kar rahe hain. Apni baat ko saabit karne ke liye mantraalaya ne social media par kai post kiye. Kathit taur par 9 November ko li gayi tasveer share karte hue kaha gaya ki ismein saaf dikhta hai ki Syria ke Abu kamaal ilaake se ISIS ke aatanki us disha mein ja rahe hain, jo kshetr ameriki special forces ke niyantran mein hai. Haalaanki roos ka yeh aarop kuchh hi der mein hava-havaai ho gaya. Kuchh blaugars ne fauran tasveeron ki pramaanikta par savaal uthaana shuroo kar diya. Unhonne kaha ki ye tasveerein dekhi hui lag rahi hain. Inmein se ek tasveer smaartafon vidiyo game AC-130 Gunship Simulator: Special Ops Squadron ka screenshot lag raha tha. Aisa lag raha tha jaise, ise 25 March ko Youtube par daale gaye vidiyo se liya gaya hai. Kuchh tasveeron ke baare mein bataaya gaya ki ye Iraq ke raksha mantraalaya dvaara post kiye gaye vidiyo se li gayi hain. June 2016 ki is tasveer mein falooja ke paas ISIS ke thikaanon par Iraqi havaai hamla hota dikhta hai. Kuchh tasveerein Libya ki sena dvaara ki gayi kaarravaai ki lagti hain. Daave ke jhooth saabit hota dekh ek ghante mein hi dopahar 2 baje roos ke raksha mantraalaya ne vivaadit tasveeron ko apne social media pej se hata liya. Roos ne daava kiya hai ki ameriki command ne Abu kamaal se bhaag rahe ISIS aatankiyon par hamla karne se inkaar kar diya tha. Itna hi naheen, ameriki surakshaabalon ne roosi air fors ki kaarravaai mein bhi rukaavat daalne ki koshish ki. Roosi raksha mantraalaya ka aarop hai ki vaastav mein America ISIS ko fir se majaboot hone ke avsar de raha hai, jisse aatanki sangathan hathiyaaron ke saath fir se khada ho sake. Haalaanki yeh pehli baar naheen hai jab roos ne kshetr mein ameriki forces par aatankiyon ki madad karne ka aarop lagaaya hai. Moscow lagaataar daava karta rahata hai ki ISIS ke aatanki America ke niyantran vaale ilaake se hamlon ko anjaam de rahe hain. September mein roos ke raksha mantraalaya ne kaha tha ki ameriki base ke kaafi najadeek sainya kaarravaai naheen hone se sandeh paida hota hai.

Roos Ka Daava- ISIS Ki Madad Kar Raha America Par Saboot Mein Diya Vidiyo Game Ka Screenshot http://www.angrejinews.com/pic/179608