Ronaldo Ne Mesi Ka Record Todkar Naya Europeeya Record Banaaya

Breaking »

Ronaldo Ne Mesi Ka Record Todkar Naya Europeeya Record Banaaya

Munich: riyaal Madrid ki taraf se khelne vaale Portugal ke star striker Christiano Ronaldo ne chainpiyans league football tournament mein mangalvaar ko ek satr mein sarvaadhik gol karne ka naya Europeeya record banaaya. Ronaldo ne baayarn Munich ke khilaaf khele gaye match mein do gol kiye, jisse unki team ne yeh match 4-0 se jeeta. Is tarah se riyaal ne maujooda champion team ko semifinal mein kul 5-0 ke antar se paraajit kiya. Ronaldo ne match mein is satr ka 15vaan aur 16vaan gol daaga aur is tarah se unhonne ek satr mein sarvaadhik gol karne ke liyonel mesi aur jos altaafini ke record ko toda. Mesi ne 2011-12 aur altaafini ne 1962-63 ke satr mein 14-14 gol kiye the. is star striker ne haalaanki kaha ki unhein record se adhik khushi apni team ki khitaabi jeet se hoga. Vah final match lisban mein apne desh ke darshakon ke saamane kheleinge. Ronaldo ne kaha, main bahut khush hoon, lekin mujhe record se adhik khushi is baat ki hai ki hamaare paas ab mere desh mein khitaab jeetne ka mauka rahega.

Ronaldo Ne Mesi Ka Record Todkar Naya Europeeya Record Banaaya http://www.angrejinews.com/pic/49121