Rohit Sharma Sabse Pratibhaavaan Ballebaaj Mahendra Singh Dhoni

Cricket »

Rohit Sharma Sabse Pratibhaavaan Ballebaaj  Mahendra Singh Dhoni

Mohali: Bhaarateeya kaptaan Mahendra Singh Dhoni ne England ke khilaaf chauthe ekadivseeya match mein team ki paanch wicket ki jeet mein rohit sharma ke yogadaan ki saraahana ki. Dhoni ne is ballebaaj ko 'Sabse pratibhaavaan ballebaaj' karaar diya. Dhoni ne match ke baad press conference mein kaha, mujhe khushi hai ki usane run banaae, kyonki vah sabse pratibhaavaan ballebaajon mein se ek hai. Beshak use is tarah ki paari ki kaafi jaroorat thi. Isse usaka aatmavishvaas badhega aur use samay milega. Nijeetaur par main uske liye kaafi khush hoon. Unhonne kaha, ham sabhi ko lagta hai ki vah aisa khilaadi hai, jo kaafi achha salaami ballebaaj ban sakta hai, kyonki vah kat aur pul kaafi achha khelta hai. Do salaami ballebaajon mein aapko ek ke thoda aakraamak hone ki jaroorat hoti hai aur mujhe lagta hai ki usane is chunauti ko sveekaar kiya. Use manoj ke unfit hone ke kaaran team mein shaamil kiya gaya tha isliye uske paas mauka tha. Achhi cheej yeh hai ki usane chunauti ko sveekaar kiya. Rohit ne 83 run banaae, lekin jab Dhoni se poochha gaya ki agar yeh ballebaaj aaj vifal hota to kya hota to bhaarateeya kaptaan ne kaha, yeh mushkil savaal hai. Mujhe naheen pata ki agar vah run naheen banaata ya kisi bhi anya dasha mein kya hota. Ham sarvashreshth cheej yeh kar sakte hain ki dharmashaala mein use ek aur mauka dein aur fir dekhein. Ham sabhi ko lagta hai ki vah kaafi pratibhaavaan hai. Use Sri Lanka ke khilaaf pichhli shrunkhala mein mauka mila jahaan vah kuchh achhi geind par out hua. Dhoni ne kaha ki rohit ke liye madhyakram mein jagah banaana mushkil hoga, kyonki anya khilaadi achha pradarshan kar rahe hain aur kuchh khilaadiyon ki chot ke kaaran salaami ballebaaj ka sthaan hi khaali hai. Bhaarateeya kaptaan ko match se pehle abhyaas ke dauraan angoothe mein chot lagi thi aur jab unase dharmashaala mein 27 January ko agale match mein aaraam ke baare mein poochha gaya to unhonne apne vikalp khule rakhe. Unhonne kaha, ham dekhte hain. Press conference itni jaldi thi ki mujhe chayanakartaaon se baat karne ka mauka naheen mila. Nishchitataur par yeh mauka hai, lekin dekhte hain kya hota hai. Main abhi kisi cheej ki pushti naheen kar sakta.

Rohit Sharma Sabse Pratibhaavaan Ballebaaj Mahendra Singh Dhoni http://www.angrejinews.com/pic/391