Rohit Sharma Ne Kaha, Khel Ke Teenon Vibhaagon Mein Achha Pradarshan Kiya

Breaking »

Rohit Sharma Ne Kaha, Khel Ke Teenon Vibhaagon Mein Achha Pradarshan Kiya

Mumbai: Mumbai Indians ke kaptaan rohit sharma ne IPL match mein royal Challengers Bangalore par 19 run ki jeet ka shreya poori team ko dete hue kaha ki unhonne ballebaaji, kshetrarakshan aur geindabaaji teenon mein achha pradarshan kiya. Mumbai ki or se sarvaadhik 59 run banaane vaale rohit ne match ke baad kaha, humne match ki pehli geind se antim geind tak achha pradarshan kiya. Humne achhi ballebaaji ki. Kshetrarakshakon ne kuchh shaanadaar catch lapke jabki geindabaaji bhi achhi rahi. Khilaadiyon ko poora shreya jaata hai. Wankhede stadium par os ke beech geindabaaji ke baare mein poochhane par rohit ne kaha, Wankhede par antim overon mein hamesha os dekhne ko milti hai. Aise mein geindabaaji aasaan naheen thi. Pavan suyaal ne pehle do over kaafi mahange rahane ke baavajood vaapasi ki aur achhi geindabaaji ki. Usane viraat Kohli ke roop mein aham wicket haasil kiya, jisse ham run gati par ankush lagaane mein safal rahe. Humne niyamit antaraal par wicket chatakaae, jisse ve laya mein naheen aa sake. unhonne kaha, mujhe khushi hai ki main bhi team ki jeet mein aham yogadaan de paaya. Rohit ne saath hi ummeed jataai ki unki team is laya ko barkaraar rakhate hue knock-out mein jagah banaane mein safal rahegi.

Rohit Sharma Ne Kaha, Khel Ke Teenon Vibhaagon Mein Achha Pradarshan Kiya http://www.angrejinews.com/pic/49841