Rohit Ne Kaha, Dhoni Ke Liye Aadarsh He Chautha Number

Cricket »

Rohit Ne Kaha, Dhoni Ke Liye Aadarsh He Chautha Number

Sydney, 12 January (bhaasha) kaptaan viraat Kohli ki rai se ulat bhaarateeya one-day team ke up kaptaan rohit sharma ne shanivaar ko kaha ki Mahendra Singh Dhoni ke liye ballebaaji kram mein aadarsh sthaan number chaar hai. bhaarateeya team vishv cup se pehle ballebaaji kram ko tay karne mein lagi hai aur rohit ne kaha ki yeh unki niji rai hai tatha kaptaan aur coach ka faisala antim hoga. Dhoni ne shanivaar ko Australia ke khilaaf pehle one-day mein 96 geindon par 51 run banaaye aur Bhaarat ko yeh match 34 run se ganvaana pada. Isse Dhoni ki vartamaan firm ko lekar fir se bahas shuroo ho gayi hai. bhaarateeya paari mein shatak jadne vaale rohit ne samvaadadaata sammelan mein kaha, ''Niji taur par mera maanana hai ki Dhoni ka number chaar par ballebaaji karna team ke liye aadarsh sthiti hogi lekin hamaare paas Ambati raayudu hai jo vaastav mein number chaar par achha pradarshan kar raha hai. Yeh poori tarah se is par nirbhar karta hai ki kaptaan aur coach is baare mein kya sochate hain. Meri vyaktigat rai poochho to mujhe Dhoni ko number chaar par utaarane mein khushi hogi. '' Kohli ne isse pehle is sthaan ke liye apni pasand raayudu ko bataaya tha. Bhaarat ne 289 run ke lakshya ka peechha karte hue rohit ke one-day mein 22vein shatak tatha Dhoni ke saath 141 run ki saajhedaari ke baavajood nau wicket par 254 run hi bana paaya. rohit ne kaha, ''Agar aap Dhoni ki ovaraol ballebaaji par gaur karo to unka strike rate 90 ke kareeb hai. Aaj paristhiti bhinn thi. Jab vah ballebaaji ke liye aaye tab humne teen wicket ganva diye the aur Australia bahut achhi geindabaaji kar raha tha. Aap shatakeeya saajhedaari aasaani se naheen nibha sakte. Isliye humne crease par kuchh samay bitaaya aur yahaan tak ki main bhi teji se run naheen bana paaya. '' unhonne kaha, ''Mainne bhi kuchh samay liya kyonki ham yeh saajhedaari nibhaana chaahate the. Agar ham us samay ek aur wicket ganva dete to match vaheen par hamaare haath se nikal jaata. Isliye humne geindein khaali jaane di aur saajhedaari par dhyaan diya. '' match se pehle Dhoni ko 'Team ka prakaashapunj' karaar dene vaale rohit ne iske saath hi kaha ki yeh poorv kaptaan team ke liye kisi bhi sthaan par ballebaaji karne ke liye taiyaar hai. unhonne kaha, ''Yeh unke liye behad saral hai aur vah cheejon ko jatil naheen banaate. Humne saajhedaari nibhaane par baat ki kyonki tab yeh jaroori tha. '' Bhaarat ne shikhar dhavan, Kohli aur raayudu ke wicket jaldi ganva diye aur rohit ne kaha ki isse anya ballebaajon par paari sanvaarane ka dabaav ban gaya. rohit ne kaha, ''Ham jaante the ki ham geindabaajon ko dabaav mein la sakte hain. Durbhaagya se humne galat samay par wicket ganvaaye. Pehle teen wicket aur uske baad jab saajhedaari ke kaaran ham majaboot sthiti mein lag rahe the tab Dhoni out ho gaye aur uske baad hamein lag gaya tha ki ab lakshya tak pahunchana mushkil hoga.

Rohit Ne Kaha, Dhoni Ke Liye Aadarsh He Chautha Number http://www.angrejinews.com/pic/247367