Return Naheen Bharne Ke Chalte 2,171 Pratyaashiyon Ke Chunaav Ladne Par Rok

Breaking »

Return Naheen Bharne Ke Chalte 2,171 Pratyaashiyon Ke Chunaav Ladne Par Rok

Nai Delhi: Svatantr evam nishpaksh chunaav sunishchit karaane aur dhanabal ke istemaal par rok lagaane ki kavaayad ke tahat chunaav aayog ne sansad evam vidhaanasabh chunaav ladne ke dauraan hue kharch ka byaura naheen dene ke maddenajar 2,171 pratyaashiyon ko ayogya thahara diya hai. In ummeedavaaron par aayog ki or se ayogya thaharaaye jaane ki tithi se teen varshon tak rok lagi rahegi aur yah paabandi adhiktam January, 2016 tak rahegi. Yah kadam chunaav aayog ke vitteeya paaradarshita kaayam karne aur chunaav prakriya mein javaabadehi tay karne ke prayaas ka hissa hai. Is soochi mein Maharashtra se sabse adhik 260 ummeedavaaron ko aayogya thaharaaya gaya hai, jabki Chhattisgarh se 259, Haryana se 197, Orissa se 188 aur madhya pradesh se 179 pratyaashiyon ko ayogya thaharaaya gaya hai. Uttar pradesh se 159, Jharkhand se 118 aur Tamil Nadu se 97 pratyaashiyon ke chunaav ladne par rok lagaai gayi hai. Sansadeeya seaton ke lihaaj se uttar pradesh se sabse adhik 158 ummeedavaaron ke chunaav ladne par rok lagaai gayi hai, jabki raajya vidhaanasabha ke lihaaj se Chhattisgarh se sabse adhik 240 ummeedavaaron ke chunaav ladne par rok lagaai gayi hai. Chunaav parinaam ghoshit hone ke 30 dinon ke bheetar chunaavi kharch ka byaura naheen dene ke maddenajar in sabhi ummeedavaaron ko jan pratinidhitv kaanoon 1951 ki dhaara 8e tatha 11e (2) aur 10 A ke tahat ayogya thaharaaya gaya. Inmein se adhiktar ummeedavaar gambhir pratyaashi naheen the, jabki kuchh pratyaashiyon ne chunaavi kharch ka byaura jama kiya, lekin yah upayukt praaroop mein naheen tha.

Return Naheen Bharne Ke Chalte 2,171 Pratyaashiyon Ke Chunaav Ladne Par Rok http://www.angrejinews.com/pic/2091