Reserve Bank, Sarkaar Ke Kaamkaaj Mein Taalamel Ki Jaroorat Subbaaraav

Business »

Reserve Bank, Sarkaar Ke Kaamkaaj Mein Taalamel Ki Jaroorat  Subbaaraav

Mumbai: Bhaarateeya reserve bank (RBI) ke Governor di subbaaraav ne guruvaar ko kaha ki sarkaar tatha keindreeya bank ko saath milkar kaam karne ki jaroorat hai kyonki RBI apne boote aarthik sankat se naheen nipat sakta. Subbaaraav ne kaha, ''Keindreeya bank akele aarthik samasyaaon se paar naheen pa sakta. Sarkaar ko bhi raajakosheeya morche par kaam karne ki jaroorat hai. Maudrik tatha raajakosheeya neetiyon mein taalamel jaroori hai. '' Seedi Deshmukh smruti vyaakhyaan mein Nobel puraskaar se sammaanit Joseph stigilitj ka svaagat karte hue unhonne kaha ki saajha lakshya praapt karne ke liye maudrik tatha raajakosheeya neetiyon mein taalamel hona chaahiye. Byaaj dar ghataane tatha nae bank license samet vibhinn muddon ko lekar reserve bank tatha vitt mantraalaya ke beech asahamati ke beech subbaaraav ka yeh bayaan aaya hai. Vitt tatha vaanijya mantraalayon ke sanketon ke baavajood reserve bank ne neetigat byaaj daron mein katauti naheen ki. Vittamantri pi Chidambaram ne aashvaasan diya hai ki sarkaar samay par banking kaanoon ka sanshodhan karegi, iske baavajood reserve bank ne bank license dene ki prakriya shuroo naheen ki hai. Reserve bank teesari timaahi ki maudrik neeti sameeksha 29 January ko karegi. Ismein neetigat byaaj daron mein katauti kiye jaane ki sambhaavana hai. Subbaaraav ne aage kaha ki aarthik vruddhi ko gati dene ke liye niveshakon mein vishvaas badhaane ke liye kaamkaaj mein sudhaar ki jaroorat hai. Unhonne kaha, ''Upabhoktaaon tatha niveshakon ka vishvaas badhaane ke liye sarkaari kaamkaaj mein sudhaar ki jaroorat hai. ''

Reserve Bank, Sarkaar Ke Kaamkaaj Mein Taalamel Ki Jaroorat Subbaaraav http://www.angrejinews.com/pic/71