Reliance Par Lag Raha Teji Ka Daanv

Business »

Reliance Par Lag Raha Teji Ka Daanv

Bisvajeet baruaa, Mumbai tredars Reliance industries (RIL) ke sheyaron par teji ka daanv laga rahe hain. Company ka share mangalvaar ko teen saal ke haai ke kareeb pahunch gaya tha. Market ko lag raha hai ki nai sarkaar mein Reliance industries ko gas ki keemat badhaane ka mauka aakhirkaar mil jaaega. Reliance ke opshans mein jo pojeeshan ban rahi hain unke hisaab se share 1000 paar kar sakta hai. Reliance ke May series vaale 1000 rupaye ke call opshan ka open intarest Budhvaar ko sabse jyaada 526,750 sheyaron ka tha. Iske baad 1,060 rupaye ke strike rate vaale call opshan ka open intarest 194,000 share raha. Enjel broking ke ikviti derivetivs end teknikl head siddhaarth bhaamare kehte hain, 'Inavestars chunaavi nateeje ummeed ke mutaabik rahane ke anumaan par Reliance industries par daanv laga rahe hain. ' aanand raathi mein derivative enaalist chetan jain kehte hain ki Reliance industries May fyoochars aur opshan series mein 1000 rupaye ka leval paar kar sakta hai. April series ke kauntraikt guruvaar ko eksapaayar ho gaye. Brokarej farm bhi Reliance industries ke share par dhaai saal baad bulish najar aa rahe hain. Lagbhag 70.6 feesadi yaani 51 mein 36 enaalists ne share par bye ki rating di hai jabki sirf 7.8 feesadi yaani chaar company par sel ki rating de rahe hain. Baaki ne company ke sheyaron ko hold karne ki salaah di hai. Nomura ke ainaalist anil sharma ne client not mein likha hai, 'Hamein lagta hai ki chunaav ke baad Reliance industries ka outlook behtar hoga. Gas ki keemat mein jaldi badhori hone se share ki keemat mein uchhaal aa sakta hai. ' UPA sarkaar ne pichhle saal gas ki keemat maujooda 4.20 dollar prati emabeeteeyoo se double karne ke prastaav ko manjoori de di thi. Lekin ab badhotri ka faisala nai sarkaar ke satta mein aane ke baad bhi liya jaaega. Index heveevet Reliance industries mein enaalists ka bharosa badha hai. Haal hi mein news group NDTV ne apne sarve ka nateeja nikaalate hue kaha tha ki BJP aur unke sahayogi dal mejauriti ke liye jaroori 272 se jyaada seatein jeet sakte hain. Is gathabandhan ki paartiyon ko rifaurms ko badhaava denevaali paartiyon ke roop mein dekha ja raha hai. Reliance ka share 1 March ke baad se ab tak 21 feesadi tak majaboot ho chuka hai. Isne index ko bade margin se pachhaada hai. Is dauraan BSE Sensex sirf 7.75 feesadi chadha hai.

Reliance Par Lag Raha Teji Ka Daanv http://www.angrejinews.com/pic/48585