Reeva Mein Nirmaanaadheen Bhavan Ki Deevaar Dhahi, Nau Ki Maut

Breaking »

Reeva Mein Nirmaanaadheen Bhavan Ki Deevaar Dhahi, Nau Ki Maut

Reeva: Madhya pradesh ke reeva jile mein nirmaanaadheen wear house ki deevaar dhah jaane se 50 se jyaada log dab gaye aur inmein se nau ki maut ho gayi. Marne vaalon ki sankhya ko lekar prashaasan ki or se lagaataar virodhaabhaasi bayaan aa rahe hai. Raahat evam bachaav kaarya jaari hai, JCB machine ki madad se malabe ko hataaya ja raha hai. Mili jaankaari ke anusaar kotavaali thaana kshetr ke jiula gaanv mein wear house ka nirmaan chal raha tha, somvaar ki dopahar ko lagbhag 100 majadoor deevaar ke kareeb baithakar khaana kha rahe the tabhi achaanak deevaar dhah gayi aur is malabe mein badi sankhya mein majadoor dab gaye hain. Wear house raajya sarkaar ke ek mantri ke rishtedaar ka bataaya ja raha hai . Nagar police adheekshak PL avasthi ne bataaya ki is haadase mein dabe majadooron mein se aath ke shav nikaal liye gaye hain aur marne vaalon ki kul sankhya nau ho gayi hai. Poorv mein avasthi ne marne vaalon ki sankhya 12 bataai thi. Ghaayalon ko upachaar ke liye sanjaya Gandhi chikitsa mahaavidyaayal ke aspataal mein bharti karaaya gaya hai. Reeva range ke police upamahaanireekshak RK shivhare ne charcha karte hue sveekaar kiya ki shuruaat mein gambhir rup se ghaayal logon ko bhi mrut samajh liya gaya tha, jisse mrutakon ka aankada kaheen jyaada ho gaya tha. Abhi tak nau logon ki mrutyu hui hai. Iske alaava 10 ghaayal hue hain. Malabe mein dabe majadooron ko nikaalne ka kaam chal raha hai. Malabe ko hataane ke liye JCB machine ki madad li ja rahi hai. Malabe mein 50 se jyaada majadooron ke abhi bhi dabe hone ki aashanka jataai ja rahi hai. Haadase ki jaankaari milte hi prashaasanik amla mauke par pahuncha aur usane raahat va bachaav kaam tej karne ke nirdesh diye. Kai majadoor deevaar ke malabe ke neeche dabe bhi najar aa rahe hain aur unhein surakshit nikaalne ke prayaas kiye ja rahe hain. Mukhyamantri shivraajasinh chauhaan ne is haadase par gahra dukh vyakt karte hue mrutakon ke parijanon ko ek-ek lakh rupaye tatha gambhir roop se ghaayalon ko 50-50 hajaar rupaye ki aarthik sahaayata upalabdh karaane ki ghoshana ki hai. Chauhaan ne ghaayalon ko sabhi aavashyak chikitsa suvidha upalabdh karaane ke nirdesh diye hain. Deevaar girne ki durghatana ka pata lagte hi oorja mantri Rajendra shukl tatha jilaadhikaari sahit prashaasan aur police amle ne sthal par pahunchakar raahat aur bachaav kaaryon ko gati di. Vidhaanasabha mein neta pratipaksh Ajay Singh ne is haadase par gahra dukh vyakt karte hue mrutakon ke parijanon ko paanch-paanch lakh rupaye ki aarthik sahaayata aur haadase ki magistrate jaanch ki maang ki hai.

Reeva Mein Nirmaanaadheen Bhavan Ki Deevaar Dhahi, Nau Ki Maut http://www.angrejinews.com/pic/1089