Raveesh Ki Kalam Se Modi Aur Anupriya Patel

Breaking »

Raveesh Ki Kalam Se  Modi Aur Anupriya Patel

Varanasi: poore Varanasi mein bhaajapa ki do hi prakaar ki hording lagi hai. Ek mein bhaajapa banaaras aur ganga ko lekar naare likhe hain aur doosare mein inheen baaton ko lekar Narendra Modi ki tasveerein hain. Sirf Modi ki tasveerein, lekin patelon ke ilaake mein BJP ka prachaar kavar mujhe ye parcha dikha. Modi aur apna dal vaale Patel samaaj ki neta anupriya Patel ki tasveer ek saath. Pikchar mein in donon se badi tasveer sardaar Patel ki aur sabhi teenon se sabse chhoti tasveer Vajpayee ki . is parche par likhe saanjhi viraasat aur sanskruti ka matlab kya hai, aap samajh sakte hain. Kisi hording mein to Modi ke saath Vajpayee ke alaava koi naheen dikha, lekin yahaan anupriya Patel hain. Yahaan tak ki bhaajapa adhyaksh Rajnath Singh bhi naheen. Varanasi ke hi doosare ilaake mein aise parche naheen dikhe. To kya ye sirf Patel ilaake ke liye taiyaar kiya gaya hai. Yahi naheen patelon ki basti mein prachaar ke liye BJP ne Gujarat ke purushottam roopaala ko bulaaya hai. Vahaan maujood ek kaaryakarta ne bataaya ki ye patelon ke bade neta hain. In mohallon mein sardaar Patel ko chaturaai se Patel neta ke roop mein bhi pesh kiya ja raha hai. Vaise, sardaar Patel ke baare mein koi kitna bhi kahe Patel aur bhagat Singh ki tasveerein Patel aur jaat samaaj ki railiyon mein lagaai jaati hain. Ab BJP ko Modi ke saath anupriya Patel ki tasveer kyon lagaani padi aur jab ye donon aa bhi gaye to sardaar Patel ki kyon. Aap iske kai matlab nikaal sakte hain, magar yeh bhi dhyaan rakhiye ki isi parche ke peechhe jaat-paat todne ki bhi baat likhi hai taaki iljaam na lage. Mainne to anupriya Patel aur Modi ke saajha poster 'Gair Varanasi' ilaakon mein bhi naheen dekhe jahaan Patel badi sankhya mein hain. Kya pata aur meri nazar na padi ho! banaaras mein Modi ka yeh naya banner hai. Ismein Modi ke alaava bhi Modi hi hain. Ganga aur Varanasi se puraane rishte ko jaahir karne ke liye ganga ko naman karte hue Modi ki bahut puraani tasveer hai, jisse saabit ho sake ki Modi ka Varanasi se puraana rishta hai. Is tasveer mein Modi yuva lag rahe hain. Jis Varanasi mein apni jeet ko lekar bhaajapa itni sunishchit hai ki ab sirf jeet ke antar ki baat karti hai, vahaan kabhi anupriya Patel to kabhi Modi ke yuvaavastha ki niji tasveeron ko hording poster par chipka rahi hai. Kya teen lakh ke antar se hone waali jeet ko chhah lakh karne ke liye!

Raveesh Ki Kalam Se Modi Aur Anupriya Patel http://www.angrejinews.com/pic/49800