Raveesh Ki Kalam Se Bismillaah Ka Banaaras

Breaking »

Raveesh Ki Kalam Se  Bismillaah Ka Banaaras

aadaraneeya khaan saahab, socha aapko ek kht likhoon. Main aapki majaar par gaya tha. Sahayogi Ajay Singh ki vajah se. Ajay ne kaha ki vo mujhe kuchh yaad dilaana chaahate hain. Thodi der ke liye bismillaah Khan ki majaar par le chalte hain. Dilo dimaag par smrutiyon ki itni paratein ho gayi hain ki unki tah tak pahunchane ke liye kisi puraatatvavetta ki zaroorat padti hai. Ajay ne vahi kiya. Us saal ki yaad dila di, jab aasmaan baras raha tha aur neeche khada main maaik liye duniya ko bata raha tha ki bismillaah Khan ko apne badan par padne waali mitti khuradari na lage, koi sakht tukada chubh na jaae, isliye aasmaan baras kar nam kar raha hai. Ro raha hai. Ham sab August ki baarish mein bheeng kar aapke chale jaane ka shok mana rahe the. vo 2006 ka saal tha aur ye 2014 ka hai. Neta aapki majaar par aane lage hain. Shaayad aap unhein musalmaan nazar aae hain. Raajaneeti mein koi shahanaai ke liye naheen aata. Akhbaaron aur TV par khoob khabarein dekheen. Arvind Kejriwal aapki majaar par gaye hain. Narendra Modi ke log aapke beton ke paas gaye hain, taaki ve prastaavak ban jaaen. Aapke beton ne mana kar diya hai. Charcha chal rahi hai ki aapke jriye ganga-jamuni type sanket dene ki koshish mein aap dhyaan mein aae hain. Shahanaai vaale mein ek musalmaan dikha hai. Aap to jaante hi hain ki hamaari raajaneeti aise hi bismillaah karti hai. haan to main aapse majaar par jaane ki baat kah raha tha. Bhaarat ratn bismillaah Khan ki majaar par. Socha jo Hindustan jis bismillaah ko hatheliyon par rakhata tha, vo usaki khaak ko motiyon ki maala mein jad kar pahanata hi hoga. Bhaarat mein jinda bach gaye log kai logon ke liye Bhaarat ratn ki maang karte hain. Khoob siyaasat hoti hai. Ab to Bhaarat ratn ki maang ka live kavarej hota hai. Jise milta hai, vo baitariyon ka vigyaapan karta hai. Aapne to aisa kuchh kiya naheen. Kabhi kabhaar tahalane ke liye raajya sabha ki meinbari naheen maangi. inheen sab baaton ko sochate hue ab main poori tarah aapke paas laut aaya tha. Yaad aane lagi vo baat, jab aapke paas manaane gaya tha. Aap gusse mein the. Gaaliyaan de rahe the. Mainne to itna sa arj kiya tha. Koi bujurg jab gaali deta hai, to vo gaali naheen hoti, aasheervaad hai. Khaan saahib, main aane waali peedhi ko bataaoonga ki duniya ne bismillaah se shahanaai suni, lekin mainne gaaliyaan suni hain. Aap hans diye. Aapki shakl mere naana jaisi milti thi. Humne apne naana-naani ko kam dekha jeeya hai. Aapse baatein hone lagi thi. Aap is baat par bhi sharma se gaye the. aapka gussa shahanaai par dhun banane ke liye bechain ho raha tha. Aap hi ne kaha ki aajatak kisi ke liye akele naheen bajaaya. Tumako sunaata hoon. Camera chaaloo tha. Kamre se baaki log baahar kar diye gaye. Aapka fefada haanfane laga. Main mana karne laga, to aapne kaha ki kai dinon se naheen bajaaya hai, isliye shahanaai rooth gayi hai. Maan jaaegi. Ek baap ki tarah aap mere liye bechain ho gaye the. to aapki majaar par main khada tha. Shaam ho gayi thi. Ajay vahaan tak le gaye, jahaan tak aapka hissa is lok ki mitti mein bacha hua tha. Deevaar par Bhaarat ratn bismillaah Khan ka poster. Dilfeink muskuraahat. Aapki hansi ka koi mukaabala naheen. Aisa laga, jaise poochh rahe hon ki bataao ye dhun kaisi lagi. Suni tumane bismillaah ki shahanaai. Aapki sharaarati aankhein. Uff. Jis banaaras ka aap kissa sunaate rahe, usi banaaras mein aap ek kissa hain. lekin usi banaaras mein das saal mein bhi aapki majaar poori naheen ho saki. Ek tasveer hai aur ghera taaki pata chale ki jiski shahanaai se aaj bhi Hindustan ka ek hissa jaagata hai, vo yahaan so raha hai. Jo radio sunate hain, vo ye baat jaante hain. Majaar ke paas khade ek shakhs ne bataaya ki aapki majaar isliye kachchi hai, kyonki is jagah ko lekar shiya aur sunni mein vivaad hai. Mukdama chal raha hai. Faisala aa jaae to aaj bana dein. ye aapki naheen is mulk ki badanaseebi hai ki aapko ek adad kbr bhi naseeb naheen hui. Iske liye bhi kisi judge ki klam ka intajaar hai. Ham kisliye kisi ko Bhaarat ratn dete hain. Bhaarat ratn dekar bhi gotiya patteedaar ki polatiks se mukti milegi ki naheen. Kya shiya aur sunni aapki shahanaai mein naheen hain. Kya vo do gaj jameen aapke naam par naheen chhod sakte. Kya banaaras aapke liye pahal naheen kar sakta. Kis baat ka banaaras ke log banaaras-banaaras gaate firte hain. aapki shakhsiyt aur shahanaai par likhne ke kaabil naheen hoon, isliye socha ki aapko kht likhoon. Is baat ki maafi maangate hue ki aapko main bhi bhool gaya hoon. Aap yaad aate hain, par kabhi aapki khabar naheen li. Aapse milkar lautate hue yahi soch raha tha ki kitna kam mila aapse, magar kitna zyaada de diya hai aapne. Theek-theek to naheen, par mujhe kuchh-kuchh yaad aa raha hai. Jo main aapke nidhan par live prasaaran mein bol raha tha. Bismillaah Khan banaaras ke baap the. Aaj banaaras se uske baap ka saaya uth gaya hai. Ham sab aise hi hain khaan saahib. Aap jaante hi hain. Isliye aapko muskuraata dekh achha laga. Is baap ne jeete ji kuchh naheen chaaha, to ek kbr ya ek majaar ki kya bisaat. Mainne bhi ek tasveer khincha li. aapka raveesh Kumar NDTV vaala.

Raveesh Ki Kalam Se Bismillaah Ka Banaaras http://www.angrejinews.com/pic/49280