Rape Ka Virodh Karne Par Chhaatra Ko Teen Sahapaathiyon Ne Jinda Jalaaya, Maut

Breaking »

Rape Ka Virodh Karne Par Chhaatra Ko Teen Sahapaathiyon Ne Jinda Jalaaya, Maut

Kharagaun (madhya pradesh): madhya pradesh ke kharagaun jile mein bi pharma ki antim varsh ki ek chhaatra ko teen sahapaathiyon dvaara usi ke ghar par dushkarm karne ka virodh karne par jinda jalaakar maut ke ghaat utaarane ka maamala prakaash mein aaya hai. police ke mutaabik shanivaar ko bi pharma ki chhaatra ke ghar mein use akela paakar uske teen sahapaathi ghuse aur uske saath jyaadati karne lage. Jab chhaatra ne iska virodh kiya, to aaropiyon ne us par mitti ka tel daalkar use jala diya. ghatna ke turant baad graameenon dvaara peedit ko sameep ke aspataal le jaaya gaya tha, jahaan se use gambhir haalat mein upachaar ke liye Indore bheja gaya. doctoron ke anusaar is ghatna mein nidhi 96 pratishat jal chuki theen aur use Indore ke ek niji aspataal mein bharti karaaya gaya tha, jahaan ilaaj ke dauraan usaka ravivaar subah nidhan ho gaya. chhaatra ke mrutyupoorv bayaan magistrate dvaara darj kar seelaband lifaafe mein band kiye gaye hain. Is maamale mein teenon aaropi chhaatron ko giraftaar kar liya gaya hai.

Rape Ka Virodh Karne Par Chhaatra Ko Teen Sahapaathiyon Ne Jinda Jalaaya, Maut http://www.angrejinews.com/pic/50245