Ranji Trophy Mumbai Aur Saurashtra Mein Hogi Khitaabi Jang

Cricket »

Ranji Trophy  Mumbai Aur Saurashtra Mein Hogi Khitaabi Jang

Mumbai: Desh ke agrani ghareloo cricket tournament Ranji trophy ke maujooda satr ke samaapan ka vakt aa gaya hai. Shanivaar se mumbai aur Saurashtra ki teemein Wankhede stadium mein khitaabi jang ke liye aamne-saamane hongi. Is mukaabale se yeh saaf ho jaaega ki mumbai 40veen baar khitaab jeetega ya fir Saurashtra 75 saal baad fir vijeta banane ka gaurav haasil karega. Mumbai ne Delhi ke Palam airforce maidaan par khele gaye doosare semifinal mukaabale mein services ko pehli paari ke aadhaar par peechhe chhodte hue final mein jagah banaai hai. Doosari or services ne apne ghareloo maidaan par khele gaye pehle semifinal mein Punjab ko 229 ranon se karaari shikast di thi. Mumbai ki team 44veen baar final mein pahunchi hai aur 39 baar khitaab jeet chuki hai. Saurashtra ke liye yeh aankada kisi sapane ki tarah hai kyonki vah nae naam ke saath khelte hue 75 saal ke baad final mein pahunchi hai. Isse pehle usane navaannagar riyaasat ke naam se final mein sthaan banaaya tha aur khitaab bhi jeeta tha. Mumbai ko jahaan bhaarateeya team ke dhurandhar ballebaaj sachin Tendulkar aur Zaheer Khan jaise anubhavi khilaadiyon ki sevaaen mileingi vaheen Saurashtra ko apne do sabse bade star-cheteshvar pujaara aur Ravindra jadeja ke bagair hi chunauti pesh karni hogi. Pujaara aur jadeja in dinon Bhaarat ki senior team ko sevaaen de rahe hain. Saurashtra ne haalaanki in donon ke bagair hi Punjab ko haraaya tha.

Ranji Trophy Mumbai Aur Saurashtra Mein Hogi Khitaabi Jang http://www.angrejinews.com/pic/385