Rangaraajan Ne Ameeron Par Jyaada Kar Lagaane Ka Sujhaav Diya

Business »

Rangaraajan Ne Ameeron Par Jyaada Kar Lagaane Ka Sujhaav Diya

Kolkata: Pradhaanamantri ki aarthik salaahakaar parishad ke adhyaksh si rangaraajan ne Budhvaar ko kaha ki sakal ghareloo utpaad ke mukaabale kar anupaat badhaane ke liye ameeron par oonchi dar se kar lagaaya jaana chaahiye. Rangaraajan ne yahaan bhaarateeya saankhyiki sansthaan (ISI) ke deekshaant samaaroh ke avsar par kaha ''Ek vikalp hai ameeron par kar ki maujooda marginal dar ko badhaaya jaae. Hamein sakal ghareloo utpaad yaani GDP ke mukaabale kar anupaat badhaane ki jaroorat hai taaki badhti maang aur kharch jaroorat poori ho sake. '' Unhonne kaha ki maujooda kar dhaancha upayukt hai. Rangaraajan ne kaha ki doosra vikalp hai maujooda dhaanche mein hi ameeron par atirikt adhibhaar lagaaya jaae. Maujooda kar dhaanche mein kar ki sabse oonchi dar 30 feesad hai. Sakal ghareloo utpaad ki vruddhi dar ke baare mein poochhane par unhonne kaha ki chaaloo vitt varsh ke dauraan yeh kareeb chhah feesad rah sakti hai jabki agale vitt varsh mein saat feesad tak hogi. Deekshaant samaaroh mein apne sambodhan mein rangaraajan ne kaha ki vishv arthavyavastha mushkil daur se gujar rahi hai aur sudhaar prakriya ya to dheemi hai ya fir ruki hui hai.

Rangaraajan Ne Ameeron Par Jyaada Kar Lagaane Ka Sujhaav Diya http://www.angrejinews.com/pic/275