Ram Raheem Ko Saja Patrakaar Chhatrapati Ke Bete Ne Jataai Khushi, Ram Raheem Ke Liye Faansi Ki Maang

Breaking »

Ram Raheem Ko Saja Patrakaar Chhatrapati Ke Bete Ne Jataai Khushi, Ram Raheem Ke Liye Faansi Ki Maang

Panchakoola Dera sachcha sauda pramukh Ram raheem ko patrakaar raamachandr chhatrapati hatyaakaand mein doshi karaar diye jaane ke baad chhatrapati ke parivaar ne khushi jataai hai. Raamachandr chhatrapati ke bete anshul chhatrapati ne faisale ka svaagat karte hue kaha ki unke pita ke hatyaaron ko faansi ki saja honi chaahiye. Bata dein ki court ne Ram raheem ko doshi paaya hai. Is maamale par faisala 17 January ko sunaaya jaaega. Panchakoola ki vishesh CBI court ke judge jagadeep Singh ne 16 saal puraane is murder case mein Ram raheem samet chaar aaropiyon (Ram raheem, nirmal Singh, Kuldeep Singh aur Krishna laal) ko doshi thaharaaya. Adaalat dvaara doshi karaar diye jaane ke baad ab Ram raheem aur baaki doshiyon ko 17 January ko saja ka ailaan kiya jaaega. Padhein: 16 saal baad insaaf, patrakaar hatyaakaand mein Ram raheem doshi Patrakaar raamachandr chhatrapati ke bete anshul ne kaha, 'Hamein 16 saalon se yeh ummeed thi ki hamein adaalat se nyaaya milega aur aaj jab judge saahab ne faisala sunaaya to ham apne emotion ko control naheen kar sake. Is poore lambe sangharsh ke dauraan jinhonne hamaara sahayog kiya aur kandhe se kandha milaakar khade rahe, unhein bhi main dhanyavaad dena chaahoonga. ' Kya hai patrakaar chhatrapati hatyaakaand? Patrakaar raamachandr chhatrapati hatyaakaand kareeb 16 saal puraana hai aur dera pramukh gurameet Ram raheem ismein aaropi hai. Saal 2002 mein patrakaar raamachandr chhatrapati ki goli maarkar hatya kar di gayi thi. Chhatrapati apne samaachaar patra mein dera se judi khabaron ko prakaashit karte the. Patrakaar chhatrapati ke parijanon ne maamala darj karavaaya tha aur baad mein ise CBI ke supurd kar diya gaya tha. CBI ne 2007 mein chargesheet daakhil kar di thi aur ismein dera pramukh gurameet Singh Ram raheem ko hatya ki saajish rachane ka aaropi maana tha. Padhein: Ram raheem doshi karaar, jaanein kya hai poora maamala.

Ram Raheem Ko Saja Patrakaar Chhatrapati Ke Bete Ne Jataai Khushi, Ram Raheem Ke Liye Faansi Ki Maang http://www.angrejinews.com/pic/247156