Ram Katha Ke Sahaare 'Modi Ki Yojanaaon Ka Prachaar

Breaking »

Ram Katha Ke Sahaare 'Modi Ki Yojanaaon Ka Prachaar

Ayodhya Ayodhya sthit kaarasevakapuram aisi jagah jiska naam shaayad hi kisi ne na suna ho. Kaafi bade kshetr mein faile Ram janmabhoomi nyaas ke mukhyaalaya ke is praangan mein ek anokhi class chalti hai, jismein alag-alag kshetron se aae kishor chhaatr-chhaatraaon ko Ram katha ke vaachan ka prashikshan diya jaata hai. Ek prashikshaarthi ne bataaya ki prashikshan ke baad jab ham apne kshetron mein jaate hain, to Ram katha ke saath svachhata abhiyaan, kisaan aur gareeb kalyaan se judeen yojanaaon ke baare mein logon ko bataate hain. Ram katha paathyakram ke sanyojak nand kishor tripaathi ne paathyakram ke uddeshya ke baare mein bataaya, 'Iska uddeshya desh ke alag-alag kshetron mein Ram katha ka prachaar-prasaar karna hai aur jahaan sant samaaj ke logon ka jaana naheen ho paata hai, un kshetron mein in baalakon ke jariye Ram katha ko jan-jan tak pahunchaaya jaata hai. ' Unhonne bataaya ki yeh paathyakram 6 maah ka hota hai. Vartamaan mein is batch mein 57 chhaatr aur 55 chhaatraaen hain. Nand kishor ne bataaya ki abhi tak is paathyakram ke jariye kareeb 2000 se jyaada chhaatr-chhaatraaon ko prashikshit kiya ja chuka hai. Is paathyakram ka prashikshan le rahe ek chhaatr rajaneesh ne Ram katha vaachan karke sunaaya. Rajaneesh ne bataaya, 'Prashikshan poora hone ke baad unhein aur unki tarah baaki chhaatron ko sudoor aur vanavaasi kshetron mein jaakar Ram katha ka prachaar karna hoga. Iske saath hi svachh Bhaarat, gareeb aur kisaan kalyaan ki sarkaar ki kya yojanaaen hain, is baare mein ham logon ko jaagruk karte hain. ' Ayodhya vivaad: Jaaniye kya hai poora maamalaaX.

Ram Katha Ke Sahaare 'Modi Ki Yojanaaon Ka Prachaar http://www.angrejinews.com/pic/182946