Raksha Mantraalaya Ne Thalasena Pramukh Pad Ke Liye Lieutenant General Dalabeer Suhaag Ke Naam Ki Sifaarish Ki

Breaking »

Raksha Mantraalaya Ne Thalasena Pramukh Pad Ke Liye Lieutenant General Dalabeer Suhaag Ke Naam Ki Sifaarish Ki

File photo File photo Nai Delhi: raksha mantraalaya ne aaj agale thalasena adhyaksh ki niyukti prakriya ki disha mein aage badhne ka faisala karte hue thalasena ke up-pramukh lieutenant general dalabeer Singh suhaag ke naam ki sifaarish sheersh sainya pad ke liye ki. uchch-padasth sootron ne bataaya ki raksha mantraalaya ne chunaav aayog se hari jhandi milne ke turant baad cabinet ki niyukti samiti (ACC) ko yeh sifaarish bheji. Mantraalaya ne aadarsh aachaar sanhita ke maddenajar is maamale mein chunaav aayog ki rai maangi thi. sootron ne bataaya ki thalasena adhyaksh pad ke liye 59 saal ke lieutenant general suhaag ke naam ki hi sirf sifaarish ki gayi hai, kyonki vah sabhi lieutenant janaralon mein sabse varishth adhikaari hain. ab pradhaanamantri Manmohan Singh ki adhyakshata waali cabinet ki niyukti samiti ko is sifaarish par faisala karna hai. maujooda thalasena adhyaksh general bikram Singh 31 July ko sevaanivrut honge aur parampara ke mutaabik sarkaar vartamaan thalasena pramukh ka kaaryakaal khatm hone se do maheene pehle nae pramukh ke naam ki ghoshana karti hai. agale thalasena pramukh ki niyukti ka maamala vivaadon mein ghir gaya hai, kyonki BJP sarkaar ki 'Jaldabaaji' par savaal uthaate hue iska virodh kar rahi hai aur jor dete hue kah rahi hai ki yeh faisala agali sarkaar par chhod dena chaahiye. isse pehle, aaj din mein chunaav aayog ne raksha mantraalaya ko patra likhkar thalasena adhyaksh ki niyukti ke maamale mein hari jhandi de di thi. Chunaav aayog ne apne 27 March ke aadesh ka havaala dete hue saaf kiya ki raksha balon ki niyuktiyon, tarakkiyon, nividaaon aur khareed ke maamale maujooda chunaavon ki aadarsh aachaar sanhita ya bhavishya ke kisi bhi chunaav ki aadarsh aachaar sanhita ke daayare mein naheen aate. sootron ne bataaya ki raksha mantraalaya dvaara maange gaye sujhaav ke javaab mein chunaav aayog ne kaha ki agar sarkaar chaahati hai to vah agale thalasena pramukh ko niyukt kiye jaane ki prakriya ki disha mein aage badh sakti hai. is beech, nivartamaan sarkaar dvaara nae thalasena adhyaksh ki niyukti ke 'Raajaneetik auchitya' par BJP ne turant savaal uthaaya. BJP neta ravishankar prasaad ne kaha ki Manmohan Singh sarkaar ke paas 'Mahaj 90 ghante' bache hain aur 'Main ise unke raajaneetik auchitya ke faisale par chhodta hoon ki jab yeh pad July ke ant mein khaali ho raha hai to aise mein nae thalasena pramukh ko niyukt kiya jaana chaahiye ya naheen. ' agale thalasena pramukh ki niyukti ka BJP ki or se kada virodh kiye jaane par pichhle hafte sarkaar ne yeh kehte hue maamale ko chunaav aayog ke paas bhej diya tha ki aayog ki sahamati milne par hi is par koi faisala kiya jaaega. BJP UPA sarkaar dvaara agale thalasena adhyaksh ki niyukti ka virodh karte hue yeh daleel deti rahi hai ki is maamale mein kisi tarah ki jaldabaaji naheen honi chaahiye aur yeh mudda agali sarkaar par chhod dena chaahiye. maujooda thalasena adhyaksh general bikram Singh ki niyukti unke poorvavarti general VK Singh ki sevaanivruti ke teen maheene pehle ki gayi thi. VK Singh aur raksha mantraalaya ke beech uthal-puthal bhare rishte rahe the. Unhonne apni umr se jude vivaad mein kendra sarkaar ko Supreme court mein bhi ghaseet liya tha. Sevaanivruti ke baad VK Singh bhaajapa mein shaamil hue aur Ghaziabad se party ke Loksabha ummeedavaar hain. gaurtalab hai ki thalasena adhyaksh ke taur par apne kaaryakaal ke aakhiri dinon mein VK Singh ne tatkaaleen 3 corps commander lieutenant general dalabeer suhaag par 'Anushaasanaatmak evam nigraani pratibandh' laga diya tha. Suhaag par 'Command aur niyantran mein naakaami' ka aarop tha, kyonki unke maatahat ek khufiya ikaai ne corps ke adhikaar kshetr ke baahar asam ke jorahaat mein kathit taur par dakaiti ko anjaam diya tha. general bikram Singh ke thalasena adhyaksh bante hi suhaag par laga pratibandh hata liya gaya. General bikram Singh ne suhaag ko poorvi thalasena commander niyukt kiya tha.

Raksha Mantraalaya Ne Thalasena Pramukh Pad Ke Liye Lieutenant General Dalabeer Suhaag Ke Naam Ki Sifaarish Ki http://www.angrejinews.com/pic/50354