Rajyasabha Mein Teen Talaak Bil Shaah Ne Banaai Rananeeti, Sonia Boleen- Hamaara Stand Bilkul Saaf

Breaking »

Rajyasabha Mein Teen Talaak Bil Shaah Ne Banaai Rananeeti, Sonia Boleen- Hamaara Stand Bilkul Saaf

Nai Delhi Sansad ke maunasoon satr ke aakhiri din bhi sarkaar aur vipaksh aamne-saamane hai. Sarkaar jahaan tatkaal teen talaak ko dandaneeya aparaadh banaane se sambandhit sanshodhit bill ko paarit karaane ki koshish mein juti hai, vaheen Congress ne sanket de diya hai vah is mudde par is baar bhi sarkaar ka raasta rokegi. Congress adhyaksh Sonia Gandhi ne kaha ki teen talaak par unki party ka rukh bilkul saaf hai. Isse pehle shukravaar subah BJP ne sansad mein teen talaak bill par apni rananeeti ko antim roop dene ke liye aham baithak ki hai. BJP adhyaksh amit shaah, keindreeya mantri Rajnath Singh, mukhtaar Abbas nakavi, sansadeeya kaaryamantri anant Kumar samet kai bade neta is baithak mein shaamil hue. Maana ja raha hai ki Rajyasabha mein bill paas naheen hua to sarkaar is par adhyaadesh la sakti hai. Aapko bata dein ki mool vidheyak ko Loksabha dvaara pehle hi manjoori di ja chuki hai aur yeh Rajyasabha mein lambit hai, jahaan BJP ki aguaai vaale NDA ke paas bahumat naheen hai. Is beech keindreeya cabinet ne 'Muslim mahila vivaah adhikaar sanrakshan vidheyak 2017' mein teen sanshodhanon ko manjoori de di hai. "Teen talaak bill par hamaari party ka stand bilkul saaf hai. Main is par aage kuchh naheen kahoongi. "-Congress ki poorv adhyaksh Sonia Gandhi Ab sarkaar Rajyasabha mein is sanshodhit bill ko pesh karegi. Agar vidheyak uchch sadan mein paarit ho jaata hai to ise sanshodhan par manjoori ke liye vaapas Loksabha mein pesh karna hoga. Haalaanki agar vipaksh ise paas naheen hone deta hai to maana ja raha hai ki sarkaar is par adhyaadesh bhi la sakti hai. Isse pehle sarkaar ne guruvaar ko muslim samudaaya mein teen talaak se jude prastaavit kaanoon mein aaropi ko sunavaai se pehle jamaanat dene jaise kuchh praavadhaanon ko manjoori de di. Daraasal, is kadam ke jariye cabinet ne un chintaaon ko door karne ka prayaas kiya hai jismein teen talaak ki parampara ko avaidh ghoshit karne tatha pati ko teen saal tak ki saja denevaale prastaavit kaanoon ke durupayog ki baat kahi ja rahi thi. Pehla bada badlaav Prastaavit kaanoon 'Gairajamaanati' bana rahega lekin aaropi jamaanat maangane ke liye sunavaai se pehle bhi maijistret se guhaar laga sakta hai. Gairajamaanati kaanoon ke tahat, jamaanat police dvaara thaane mein hi naheen di ja sakti hai. Kaanoon mantri ravishankar prasaad ne kaha hai ki praavadhaan isliye joda gaya hai taaki maijistret 'Patni ko sunane ke baad' jamaanat de sakein. Unhonne spasht kiya, 'Haalaanki prastaavit kaanoon mein teen talaak ka aparaadh gairajamaanati bana rahega. ' sootron ka kehna hai ki maijistret yeh sunishchit kareinge ki jamaanat tabhi di jaae jab pati vidheyak ke anusaar patni ko muaavaja dene par sahamat ho. Vidheyak ke anusaar muaavaje ki raashi maijistret dvaara tay ki jaaegi. Doosra sanshodhan Ek anya sanshodhan yeh spasht karta hai ki police keval tab praathamiki darj karegi jab peedit patni, uske kisi sambandhi ya shaadi ke baad rishtedaar bane kisi vyakti dvaara police se guhaar lagaai jaati hai. Keindreeya mantri ne kaha, 'Yeh un chintaaon ko door karega ki koi padosi bhi praathamiki darj kara sakta hai jaisa ki kisi sanjnyaeya aparaadh ke maamale mein hota hai. Yeh durupayog par lagaam kasega. ' Teesara sanshodhan Teesara sanshodhan teen talaak ke aparaadh ko 'Samjhaute ke yogya' banaata hai. Ab maijistret pati aur patni ke beech vivaad sulajhaane ke liye apni shaktiyon ka istemaal kar sakte hain. Samjhaute ke yogya aparaadh mein donon pakshon ke paas maamale ko vaapas lene ki aajaadi hoti hai. Sarkaar ko ummeed hai ki cabinet dvaara kiye gaye sanshodhan se gairaenadeee dal bhi uske saath aa sakte hain jo ab tak kaanoon ke durupayog ko lekar chinta jata rahe the. BJP ne apne saansadon se Rajyasabha mein maujood rahane ko kaha hai. Beejedi aur AIADMK kidhr jaaenge? Filhaal yeh saaf naheen ho paaya hai ki do badi gainaenadeee paartiyaan- beejedi aur AIADMK ki in sanshodhanon par kya rai hai. Rajyasabha mein donon paartiyon ke kul 22 saansad hain. Pichhle saal Loksabha mein jab bill rakha gaya tha to donon hi paartiyon ne iska virodh kiya tha aur voting se anupasthit rahane ka faisala kiya tha. AIADMK chaahati thi ki pati ke liye teen saal ki saja ke praavadhaan ko kendra hata le. Haalaanki aaj haalaat badal chuke hain. Ek din pehle Rajyasabha ke upasabhaapati ke chunaav mein donon hi paartiyon ne NDA ke ummeedavaar harivansh ka samarthan kiya tha. Guruvaar ko kaanoon mantri ravishankar prasaad ne kaha ki vah Sonia Gandhi se bhi poochhana chaahate hain ki kya vah mahilaaon ke sammaan aur gaurav ke saath khadi hain ya naheen? Unhonne kaha ki Congress ko is par apna rukh saaf karna chaahiye. (bhaasha ke input ke saath)

Rajyasabha Mein Teen Talaak Bil Shaah Ne Banaai Rananeeti, Sonia Boleen- Hamaara Stand Bilkul Saaf http://www.angrejinews.com/pic/217849