Rajnath Singh Ne Party Netaaon Se Ki Dhairya Ka Parichay Dene Ki Appeal

Breaking »

Rajnath Singh Ne Party Netaaon Se Ki Dhairya Ka Parichay Dene Ki Appeal

Nai Delhi: Bhaarateeya janta party ke nae adhyaksh Rajnath Singh ne party netaaon ko saarvajanik sthaanon par kuchh bhi bolne se pehle saavadhaani baratne ki salaah dete hue kaha hai ki netaaon ko dhairya ka parichay dena chaahiye. Nae party adhyaksh ka kehna hai ki party ke netaaon ko achha bhaashan dena chaahiye aur vyavahaar mein bhi badlaav laana chaahiye. Rajnath Singh ne party ke netaaon se appeal ki ki ve party ko majaboot karne ke liye kadam uthaaen aur aisi baat na bolein jo party hit mein na ho. Maana ja raha hai ki yah baat Rajnath Singh ne yashavant sinha aur Ram Jethmalani jaise netaaon ke Narendra Modi ko 2014 mein PM pad ka ummeedavaar banaane ke samarthan mein apni baat rakhane ke javaab mein kahi hai. Somvaar ko yashavant sinha ne kaha tha ki aam logon aur party ke tamaam kaaryakartaaon ki ichha hai ki party Narendra Modi ko party ka PM pad ka ummeedavaar ghoshit kar day. Sinha ka maanana hai ki aisa kar dene se party ko chunaavon mein kaafi faayda hoga. Vaheen, NDA ke pramukh ghatak dal jadayu ke neta sharad Yadav ne saaf kar diya hai ki is prakaar ki baatein 15 saal puraane gathabandhan par prabhaav daaleingi. Iske alaava anya ghatak dal shivsena ka kehna hai ki vah Sushma Swaraj ke samarthan mein hai. Iske alaava akaali dal ne saaf kar diya hai ki use Narendra Modi se koi aapatti naheen hai.

Rajnath Singh Ne Party Netaaon Se Ki Dhairya Ka Parichay Dene Ki Appeal http://www.angrejinews.com/pic/612