Rajkot Van-de England Se Test Ki Haar Ka Badla Lene Ke Liye Utarega Bhaarat

Cricket »

Rajkot Van-de  England Se Test Ki Haar Ka Badla Lene Ke Liye Utarega Bhaarat

Rajkot: Pakistan ke saath hui paanch maichon (do twenty-20, teen ekadivseeya) ki shrunkhala anubhav ke lihaaj se Bhaarat ke liye theek naheen rahi. Kolkata aur chennai mein do ekadivseeya match ganvaane ke baad Bhaarat ne Delhi mein aakhirkaar jeet haasil ki. Ab jabki paanch maichon ki ekadivseeya shrunkhala mein usaka saamana England ke saath hona hai, vah jaahirtaur par Delhi mein jeet se haasil laya aur manobal ko barkaraar rakhana chaahegi. Aaj Rajkot ke stadium par donon teemein aamne-saamane hongi. Bhaarat ke liye achhi khabar yeh hai ki test shrunkhala jeetne ke baad english team christmas ki chhuttiyon ke baad jab tarotaaja hokar Bhaarat lauti to use do lagaataar abhyaas maichon mein haar ka saamana karna pada. Bhaarat-A ne use ravivaar ko patakhani di thi aur fir mangalvaar ko Kotla mein Delhi ne use haraaya. Doyam shreni ki teemon ke khilaaf mili paraajayon se nae coach Ashley jaails ki team ka manobal nishchitataur par neeche gira hoga. Doosari or, bhaarateeya team ne Kolkata aur chennai mein Pakistan se mili paraajayon se nikalte hue Ferozshah Kotla stadium mein ravivaar ko ek chaunkaane waali jeet haasil ki. Is match mein bhaarateeya ballebaajon ne niraash kiya, lekin geindabaajon aur kshetrarakshakon ne jis tarah ki sangharshashakti ka parichay diya, usase poori team ka manobal ooncha hua hai. Test shrunkhala mein England se mili 1-2 se haar ke baad Bhaarat ko Pakistan ki mejabaani karni padi. Kootaneetik rishte sudhaarane ke liye hui is shrunkhala ne Bhaarat ki tees kuchh kam kar di, lekin ab jabki english khilaadi Bhaarat pahunch chuke hain, bhaarateeya khilaadiyon ke man mein us haar ki tees ek baar fir gahari ho gayi hai. Aise mein Mahendra Singh Dhoni ki team apni yuva shakti ke dam par us haar ka hisaab baraabar karna chaahegi. Virendra Sehwag test team mein the, lekin ekadivseeya team se baahar ho chuke hain. Unki kami khal sakti hai, lekin unke sthaan par team mein shaamil kiye gaye cheteshvar pujaara shaanadaar form mein chal rahe hain. Yeh achha sanyog hai. Achhi baat yeh hai ki Pakistan ke saath hue antim mukaabale ke saath bhaarateeya geindabaaj bhi laya mein laut chuke hain aur fir Bhaarat ko shami Ahmad ke roop mein ek stareeya geindabaaj bhi mil gaya hai, jo Rajkot mein apni chamak dikhaane ke liye aatur honge. English ekadivseeya team ausat form mein dikhaai de rahi hai. Delhi ke khilaaf eon morgan, kres Kieswetter aur Ian bail ne apne balle ki chamak dikhaai thi. Bail ne donon abhyaas maichon mein shaanadaar ballebaaji ki, lekin kul milaakar abhyaas maichon mein english team apni pratishtha ke saath nyaaya naheen kar saki. Iska manovaigyaanik faayda Bhaarat ko mil sakta hai. English team ne 2011-12 satr mein Bhaarat ka daura kiya tha aur use paanch maichon ki shrunkhala mein 5-0 se haar mili thi. Vah haar jhakjhorne waali thi. Yeh pehla mauka naheen hai, jab Bhaarat ne english team ka apne ghar mein soopada saaf kiya hai. Isse pehle 2008-09 satr mein bhi usane paanch maichon ki shrunkhala mein 5-0 se jeet haasil ki thi. 2005-06 satr mein Bhaarat ne saat maichon ki shrunkhala mein England ko 5-1 se haraaya tha. In aankadon se saaf hai ki english team ke liye Bhaarat mein ekadivseeya shrunkhala jeetna kabhi bhi aasaan naheen raha hai. Ab jabki uske saath kai nae khilaadi hain aur ve pehli baar Bhaarat mein khel rahe hain, kaptaan Alistair cook ke saamane haalaat ke saath taalamel banaane mein sabse adhik dikkat aa sakti hai, kyonki apni pichon par bhaarateeya ballebaaj aur spin geindabaaj hamesha achha pradarshan karte hain aur Graham gooch aur Mike getting ke baad english ballebaaj hamesha se spin kala ke khilaaf kamjor maane jaate rahe hain.

Rajkot Van-de England Se Test Ki Haar Ka Badla Lene Ke Liye Utarega Bhaarat http://www.angrejinews.com/pic/256