Rajkot One-day England Ne Bhaarat Ko Diya 326 Run Ka Lakshya

Cricket »

Rajkot One-day  England Ne Bhaarat Ko Diya 326 Run Ka Lakshya

Rajkot: Bhaarat ke khilaaf pehle one-day mein England ne nirdhaarit 50 overon mein chaar wicket khokar 325 run banaae. Bail ne 85 aur cook ne 75 ranon ka yogadaan diya. Bhaarat ki or se ashok dinda ne do wicket haasil kiye. England ki salaami jodi ne shaanadaar khel dikhaate hue pehle wicket ke liye 158 ranon ki saajhedaari ki. Kaptaan Alistair cook ko raina ne, jabki bail ko rahaane ne seedhe throw kar run out kiya. Kevin Peterson 44 run banaakar ashok dinda ki geind par Kohli ke haathon lapke gaye. Morgan ne 41 run banaae aur vah bhi dinda ka shikaar bane. Is match ke liye bhaarateeya team mein shami Ahmad ki jagah ashok dinda ko shaamil kiya gaya, jabki antim ekaadash mein cheteshvar pujaara ko mauka naheen mila. Pakistan ke saath hui paanch maichon (do twenty-20, teen ekadivseeya) ki shrunkhala anubhav ke lihaaj se Bhaarat ke liye theek naheen rahi. Kolkata aur chennai mein do ekadivseeya match ganvaane ke baad Bhaarat ne Delhi mein aakhirkaar jeet haasil ki. Ab jabki paanch maichon ki ekadivseeya shrunkhala mein usaka saamana England ke saath ho raha hai, vah jaahir taur par Delhi mein jeet se haasil laya aur manobal ko barkaraar rakhana chaahegi. England ke khilaaf team India ke one-day cricket ke aankade bhi mejabaan team ke paksh mein najar aate hain. Pichhle ek dashak mein bhaarateeya pitch par donon teemein 18 baar takaraain, jismein 16 baar Bhaarat ko jeet mili, jabki England sirf ek match jeet paaya. 27 saal se England Bhaarat mein one-day series naheen jeet paaya hai. 2008 aur 2011 mein hui pichhli do series mein Bhaarat ne England ka whitewash kar diya tha. Isse pehle, 2005−06 mein nateeja 5−1 se Bhaarat ke paksh mein raha tha. Anderson, svaun aur monti panesar jaise khatarnaak geindabaaj one-day series mein England team mein naheen hain, isliye team India ke ballebaaj test mein hui haar ke khauf se ubar kar one-day series mein ballebaaji kar sakte hain.

Rajkot One-day England Ne Bhaarat Ko Diya 326 Run Ka Lakshya http://www.angrejinews.com/pic/250