Rajiv Gandhi Hatyaakaand Ke Doshiyon Ki Rihaai Khatarnaak Parampara Ki Shuruaat Hogi SC Se Kendra Ne Kaha

Breaking »

Rajiv Gandhi Hatyaakaand Ke Doshiyon Ki Rihaai Khatarnaak Parampara Ki Shuruaat Hogi SC Se Kendra Ne Kaha

Nai Delhi Kendra sarkaar ne Supreme court se kaha hai ki vah Rajiv Gandhi hatyaakaand ke saat doshiyon ko riha karne ke Tamil Nadu sarkaar ke prastaav ka samarthan naheen karti hai, kyonki in mujarimon ki saja ki maafi se 'Khatarnaak parampara' ki shuruaat hogi aur iske 'Antararaashtreeya nateeje' honge. Justice ranjan gogoi, Justice naveen sinha aur Justice ke. M. Joseph ki teen sadasyeeya khandapeeth ne gruh mantraalaya dvaara is sambandh mein daayar dastaavej dekhne ke baad shukravaar ko maamale ki sunavaai sthagit kar di. Sheersh adaalat ne 23 January ko kendra sarkaar se kaha tha ki Tamil Nadu sarkaar ke 2016 ke patra par teen maheene ke bheetar nirnaya le. Raajya sarkaar Rajiv Gandhi hatyaakaand ke saat doshiyon ki saja maaf karke unki rihaai karne ke nirnaya par kendra ki sahamati chaahati hai. Raajya sarkaar ne is sambandh mein do March, 2016 ko kendra sarkaar ko patra likha tha. Kendra ki sahamati jaroori Ismein kaha gaya tha ki raajya sarkaar ne in saat doshiyon ko riha karne ka nirnaya liya hai parantu sheersh adaalat ke 2015 ke aadesh ke anuroop iske liye kendra ki sahamati lena anivaarya hai. Kendreeya gruh mantraalaya ke sanyukt sachiv vi. Bi. Dube ne nyaayaalaya mein daakhil apne halafanaame mein kaha hai, 'Kendra sarkaar, dand prakriya sanhita, 1973 ki dhaara 435 ka paalan karte hue Tamil Nadu sarkaar ke do March, 2016 ke patra mein in saat doshiyon ki saja aur maaf karne ke prastaav se sahamat naheen hai. ' Mantraalaya ne kaha ki nichli adaalat ne doshiyon ko maut ki saja dene ke baare mein 'Thos kaaran' diye hain. Mantraalaya ne yeh bhi kaha ki uchchatam nyaayaalaya ne bhi is hatyaakaand ko desh mein hue aparaadhon mein sabse ghrunit krutya karaar diya tha. Chaar videshiyon, jinhonne teen bhaarateeyon ki mileebhagat se desh ke poorv pradhaanamantri aur 15 anya ki nrushans hatya ki thi, ko riha karne se bahut hi khatarnaak parampara sthaapit hogi aur bhavishya mein aise hi anya aparaadhon ke liye iske ganbheeratam antararaashtreeya nateeje ho sakte hain. Aatmaghaati hamle mein Rajiv ki hui thi hatya Bata dein ki Rajiv Gandhi ki 21 May, 1991 ko Tamil Nadu ke shreeperanbadoor mein ek chunaav sabha ke dauraan ek aatmaghaati mahila ne visfot karke hatya kar di thi. Baad mein is mahila ki pehchaan dhanu ke roop mein hui. Is visfot mein dhanu sahit 14 anya log bhi maare gaeye the. Yeh sambhavat: Pehla maamala tha ki jismein desh ke ek pramukh neta ki aatmaghaati visfot se hatya ki gayi thi. Is hatyaakaand ke silsile mein vi shreeharan urf muroogan, ti satendraraaja urf santham, A ji peraarivlan urf arivu, jayakumaar, raabart paayas, pi ravichndran aur nalini 25 saal se jail mein band hain. Sheersh adaalat ne 18 February, 2014 ko teen mujarimon-muroogan, santham aur peraarivlan ki maut ki saja umrakaid mein tabdeel kar di thi kyonki unki daya yaachikaaon par faisala lene mein atyadhik vilamb hua tha.

Rajiv Gandhi Hatyaakaand Ke Doshiyon Ki Rihaai Khatarnaak Parampara Ki Shuruaat Hogi SC Se Kendra Ne Kaha http://www.angrejinews.com/pic/217868