Rajdhani, Shataabdi Aur Duranto Ke Kiraaye Mein 20 Rupaye Ki Badhotri Sambhav

Business »

Rajdhani, Shataabdi Aur Duranto Ke Kiraaye Mein 20 Rupaye Ki Badhotri Sambhav

Nai Delhi: Rajdhani, Duranto aur shataabdi mein yaatra karna aane vaale samay mein kuchh mahanga ho sakta hai. Khaane-peene (catering) ki cheejon ke daam mein badhotri ke maddenajar in pramukh railgaadiyon ka kiraaya aur badhna lagbhag tay hai. Nirnaya prakriya mein shaamil rel vibhaag ke ek sheersh adhikaari ne kaha, rajdhani, shataabdi aur Duranto mein Khan-paan ka shulk badhne ke baad in pramukh railgaadiyon ke kiraae mein 15 rupaye se lekar 20 rupaye tak ki badhotri hogi. Adhikaari ne kaha ki shulkon mein sanshodhan ki ghoshana jaldi hogi aur software update hote hi ise laagoo kiya jaaega. Sanshodhan ki ghoshana hone par in railgaadiyon ke kiraaye mein 22 January ke baad hui yeh doosari badhotri hogi. Pichhle maheene kareeb 10 saal baad mel aur express railgaadiyon man khaane-peene ki cheejon ke daam badhaae gaye, lekin ismein rajdhani, shataabdi aur Duranto railgaadiyon ka catering shulk naheen badha tha. Ukt railgaadiyon mein yaatriyon ko diye jaane vaale khaane aur alpaahaar ka shulk ticket ke kiraaye mein shaamil hota hai. Rel mantraalaya ne in gaadiyon aur express railgaadiyon ke khaane ki soochi aur shulk mein sanshodhan par sujhaav dene ke liye ek samiti ka gathan kiya tha. Adhikaari ne kaha, shulk mein sanshodhin ka faisala samiti ki sifaarishon ki jaanch aur rel board ke sujhaav ke aadhaar par kiya gaya hai.

Rajdhani, Shataabdi Aur Duranto Ke Kiraaye Mein 20 Rupaye Ki Badhotri Sambhav http://www.angrejinews.com/pic/407