Railmantri Ne Rel Kiraae Mein Ek Aur Badhotri Ka Kiya Ishaara

Business »

Railmantri Ne Rel Kiraae Mein Ek Aur Badhotri Ka Kiya Ishaara

Nai Delhi: Aam aadmi par ek baar fir rel kiraae ki maar pad sakti hai. Abhi 21 January se hi rel kiraaya bada hai aur ab railmantri fir se sanket day rahe hain ki aane vaale rel bajat mein kiraaya bad sakta hai. Chhatteesagad aur Gujarat mein nae rel projekts ko cabinet ki manzoori ka ailaan karne ke liye railmantri pavan bansal media ke saamane guruvaar ko pesh hue the, lekin patrakaaron ne rel bajat par savaalon ki jhadi laga di. Mantri ji se jab poochha gaya ki kya is baar rel bajat mein kiraaya fir badhne vaala hai, to unhonne saaf shabdon mein kaha ki nai trainon aur nai laainon ke liye paisa chaahiye. Bansal ka kehna hai ki hamein paisa chaahiye, ek tareeka hai ki yaatri kiraaya badaaya jaae, lekin ham abhi naun traffic revenyoo jenaret karne ka raasta talaash rahe hain. Railmantri ne kaha ki haal ki kiraaya badotari se 6600 karod tak ki kamaai ki ummeed thi, lekin thok graahakon ke liye diesel mahanga hone se railway ka kharch 3300 karod bad gaya. Ek aakalan ke mutaabik railway ko saal mein 250 karod liter diesel ka zaroorat padti hai, aise mein diesel ki keematon mein maamooli badotari se bhi railway par bhaari bojh padata hai.

Railmantri Ne Rel Kiraae Mein Ek Aur Badhotri Ka Kiya Ishaara http://www.angrejinews.com/pic/1331